منہاج القرآن انٹرنیشنل سپین کے صدر سیف اللہ اکرم، سیکریٹری محمد اقبال چوہدری اور مرکزی مجلسِ عاملہ کے عہدیداران ڈاکٹر ذوالفقارعلی، محمد نواز کیانی ،ارشدمحمود، نوید اصغر، محمد قیصر چیمہ ، حاجی محمد نذیر اداسی ، محمد اشتیاق قادری اور حاجی فیض بخش نے منہاج القرآن انٹرنیشنل سپین کے ہفتہ وار اجلاس میں روزنامہ خبریں کے چیف اڈیٹر ضیا ءشاہد کے نوجوان صاحبزادے کی اچانک وفات پر گہرے رنج و غم کا اظہار کیا اور کہا کہ عدنان شاہد کی وفات سے صحافت کے آسمان کا ایک چمکتا ہوا ستارہ ڈوب گیا ہے ۔ اجلاس کے آخر میں مرحوم کے لیے فاتحہ خوانی اور دعائے مغفرت جبکہ لواحقین کے لیے صبر جمیل کی دعا کی گئی ۔

اتوار28 جنوری بمطابق 9 محرم الحرام کو شام 5 بجےمنہاج القرآن انٹرنیشنل سپین کےزیرِ اہتمام بارسلونا سنٹر میں واقع Raval کےاسپورٹس ہال میں یوم عاشور کےحوالےسےایک عظیم الشان روحانی محفل انعقاد پذیر ہوئی جس میں منہاج القرآن انٹرنیشنل سپین کےصدر سیف اللہ اکرم، سیکریٹری جنرل محمد اقبال، صدر مجلسِ شوریٰ میاں برکات احمد ، تحریکِ منہاج القرآن کےعہدیداران اور منہاج یوتھ لیگ سپین کےنوجوانوں سمیت فرزندانِ اسلام نےبارسلونا اور اس کےگردو نواح سےکثیر تعداد میں شرکت کی ۔

نواسہ رسول ، جگر گوشہ بتول حضرت امام حسین علیہ السلام کی شہادت کی یاد میں منعقدہ کانفرنس کا آغاز امام جامع مسجد منہاج القرآن حافظ قاری عبد الرزاق نقشبندی نےتلاوتِ قرآن کریم سےکیا ، بارگاہِ رسالتِ مآب صلی اللہ علیہ وسلم میں عقیدت کے پھول پیش کرنےکی سعادت ،اسلام حسین ، حیدر فاروقی ، مسیب حسن شفیق، محمد جلیل نےحاصل کی ، جبکہ بہادر حسین صابر، قدیر احمد خان اور محمد عاطف احتشام نےامام حسین علیہ السلام کی شان میں منقبت پیش کی ۔





بارسلونا میں اس گیارہویں شہادت امام حسین علیہ السلام کانفرنس کےمہمانِ خصوصی علامہ جنید عالم قادری(منہاجین) کو دعوتِ خطاب دی گئی، جنہوں نےاپنےخطاب کا آغاز یومِ عاشور کی فضیلت بتاتےہوئےکیا اور کہا کہ 10 محرم الحرام کا دن تاریخی حوالےسےبہت ہی بلند مرتبہ ہےکیونکہ واقعہ کربلا سےقبل بھی اللہ رب العزت نےبیشمار اہم کاموں کےلیےاسی دن کو منتخب فرمایا ، انہوں نےتاریخی حقائق سےثابت کیا کہ کربلا میں امام حسین علیہ السلام نےاقتدار کےلیےنہیں بلکہ دینِ حق کی سلامتی کےلیےباطل کےساتھ جنگ کی کیونکہ ان کو اپنےنانا جان کا دین اقتدار سےزیادہ عزیز تھا۔انہوں نےبتایا کہ آج بھی مسلم امہ میں فرقہ وارئیت کو فروغ دینےکےلیےکچھ یزیدی قوتیں ، یزید لعین کو خلیفۃ المسلمین جیسےالقابات سےنوازتےہیں ایسےلوگوں کا مقصد امت میں گمراہی پھیلانا ہے، تاریخ اس بات کی گواہ ہےکہ یزید لعنتی اور بد بخت حکمران تھا ۔

ہمیشہ کی طرح خواتین کےلیےبا پردہ انتظام موجود تھا ، منہاج ویمن لیگ سپین کی کوششوں سےخواتین نےبھرپور تعداد میں شرکت کی ۔ اس موقع پر اسپورٹس ہال میں تحریک منہاج القرآن کےپرچم اور شہادتِ امام حسین علیہ السلام کےحوالےسےمختلف بینرز آویزاں تھےجبکہ ہال کےداخلی دروازے پر جوس کی سبیل لگائی گئی تھی ۔کانفرنس میں نقابت کےفرائض خطیب جامع مسجد منہاج القرآن علامہ عبد الرشید شریفی نےسر انجام دیئےجبکہ انتظامیہ کےلیےمنہاج یوتھ لیگ سپین کےنوجوانوں نےمثالی کردار ادا کیا ۔

صلوٰۃ و سلام اور امتِ مسلمہ کےاتحاد کےلیےخصوصی دعا سےیہ عظیم الشان کانفرنس اختتام پذیر ہوئی ۔

آخر میں شرکاءمحفل میں لنگر تقسیم کیا گیا جس کا معقول انتظام ناظمِ اجتماعات حاجی محمد نذیر اداسی نےمنہاج یوتھ لیگ سپین کےتعاون سےکیا ۔

ہفتہ27 جنوری کو شام 5 بجےبادالونا کےمحلہ Sant Roc کےسوک سنٹر میں منہاج القرآن انٹرنیشنل سپین کےزیرِ انتظام شہادت ِ امام حسین کانفرنس انعقاد پذیر ہوئی ۔جس میں منہاج القرآن انٹرنیشنل سپین کےسیکریٹری جنرل محمد اقبال، صدرِ مجلسِ شوریٰ میاں برکات احمد، صدر منہاج یوتھ لیگ سپین مسیب حسن شفیق سمیت منہاج القرآن انٹرنیشنل سپین کےدیگر قائدین ،وابستگان اور منہاج یوتھ لیگ کے نوجوانوں نے کثیر تعداد میں شرکت کی جن میں محمد ارشد، حاجی محمد نذیر اداسی، محمد قیصر چیمہ، محمد نواز کیانی اور طاہر محمود شامل ہیں ۔

اس عظیم الشاں روحانی اجتماع کا باقاعدہ آغاز خطیب جامع مسجد منہاج القرآن بارسلوناعلامہ عبد الرشید شریفی نےقرآنِ مجید کی آیاتِ بینات سےکیا ، بارگاہِ رسالتمآب صلی اللہ علیہ وسلم میں گلہائےعقیدت پیش کرنےکا شرف علامہ عبد الرشید شیریفی، محمد عثمان، محمد عتیق نےحاصل کیا جبکہ نوید اصغر نےمعرکہ کربلا کےحوالےسےمنقبتِ امام حسین پیش کی ۔

خطیب جامع مسجد منہاج القرآن بارسلونا نےاستقبالیہ کلمات کہےاور حاضرین محفل سےمختصر خطاب کرتےہوئےکہا کہ گو آج ہماری اس محفل کی حاضری توقع کےمطابق نہیں لیکن ان شاءاللہ تعالیٰ اگلےسال جب یہ کانفرنس منعقد ہو گی تو اسی ہال میں بیٹھنےکی جگہ نہیں ملےگی ۔

کانفرنس میں نقابت کی فرائض منہاج القرآن انٹرنیشنل سپین کےسیکریٹری جنرل محمد اقبال نےسر انجام دیے، انہوں نےاپنی گفتگو کےدوران شرکاءکو بتایا کہ ہمیں آج کی اس کانفرنس کےانعقاد کےلیےسَنت روک، بادالونا کےاس سوک سنٹر کو حاصل کرنےمیں کتنی مشکلات کا سامنا کرنا پڑا۔ یہ منہاج القرآن انٹرنیشنل کےقائد شیخ الاسلام ڈاکٹر محمد طاہر القادری کی دعاؤں ، آقا دو جہاں صلی اللہ علیہ وسلم کےنعلین پاک کےتصدق اور اللہ تعالیٰ کےفضل و کرم سےہم نےبادالونا شہر کی بلدیہ سےیہ ہال حاصل کر کےثابت کر دیا ہےکہ ہمیں بھی اتنےہی حقوق حاصل ہیں جتنےکسی ہسپانوی قومیت رکھنےوالےشہری کو، انہوں نےکہا کہ آج کی محفل بادالونا کی تاریخ میں ہونےوالی اس نوعیت کی پہلی محفل ہے۔

یاد رہےکہ بادالونا شہر میں پاکستانی کیمونٹی کی ایک بڑی تعداد آباد ہےلیکن وہاں پر کوئی جماعت یا تنظیم مسجد کی تعمیر کر سکی ہےاور نہ ہی اس طرح کی محافل کا انعقاد ممکن ہو سکا ہےچنانچہ تحریک منہاج القرآن کو یہ سعادت نصیب ہوئی کہ انہوں نےمقامی انتظامیہ کی طرف سےپیدا کردہ تمام تر مشکلات کا سامنا کیا اور اس ہال میں بادالونا کی تاریخ کی پہلی شہادت امام حسین علیہ السلام کانفرنس کا انعقاد کیا ۔

فاضلِ جامعہ اسلامیہ منہاج القرآن ، علامہ جنید عالم قادری (منہاجین)کو دعوتِ خطاب دی گئی ، انہوں نےاپنےخطاب میں کہا کہ شہادتِ امام حسین ، کےبعد کائنات انسانی کو دو کردار مل گئے، ایک یزیدیت جو بدبختی ، ظلم، استحصال اور قتل و غارت گری اور دورا حسینیت جو عدل، امن، وفا اور تحفظ دین مصطفی کا نام ہے، قیامت تک حسین بھی زندہ رہےگا اور حسینیت کےپرچم بھی قیامت تک لہراتےرہیں گے، یزید قیامت تک کےلیےمردہ ہےاور یزیدیت بھی قیامت تک کےلیےمردہ ہے۔ انہوں نےمزید کہا کہ مسلمانوں کےاندر حبِ اہلِ بیت کا انکار کرنےکےلیےآج کچھ ایسےافراد پیدا ہو چکےہیں جو کربلا کےمعرکہ کو حق و باطل کا معرکہ نہیں مانتےاور معاذ اللہ یزید کو خلیفۃ المسلمین اور امیر المومنین جیسےخطابات سےنوازتےہیں ان لوگوں کا مقصد مسلمانوں کی عقیدت اہلِ بیت اطہار کو کمزور کرنا ہے، انہوں نےکہا کہ تاریخ اس بات کی شاہد ہےکہ یزید فاسق و فاجر اور عیاش تھا ۔

عالمِ اسلام اور بالخصوص پاکستان کےلیےخصوصی دعا سےیہ محفل اپنےاختتام کو پہنچی جس کےبعد حاضرین محفل میں تبرک تقسیم کیا گیاجس کا معقول انتظام ناظمِ اجتماعات منہاج القرآن انٹرنیشنل سپین حاجی محمد نذیر اداسی نےاپنےرفقاءکی معاونت سےکیا ۔

فُل سائز تصاویر

گزشتہ اتوار 20 جنوری کو منہاج القرآن انٹرنیشنل سپین بارسلونا کے زیرِ اہتمام Raval کے وسیع اسپورٹس ہال میں فلسفہ شہادتِ امام حسین(رض) کے عنوان سے 12ویں سالانہ شہادت کانفرنس کا انعقاد کیا گیا، جس میں کثیر تعداد میں مردو خواتین نے شرکت کی ۔ اس عظیم الشان محفل میں منہاج القرآن انٹرنیشنل کے مرکزی نا ظم دعوت علامہ محمد ادریس رانا نے خصوصی خطاب فرمایا۔

محفل کا باقاعدہ آغاز تلاوتِ قرآن کریم سے منہاج القرآن انٹرنیشنل سپین کے امیر علامہ عبد الرشید شریفی نے کیا جس کے بعد نعتِ رسول مقبول (صلی اللہ علیہ وسلم) کا سلسلہ شروع ہوا جس میں بارسلونا کے معروف نعت خوانان نے آقائے دوجہاں (صلی اللہ علیہ وسلم) کی بارگاہ میں عقیدت کے پھول نچھاور کیے ۔جن میں بارسلونا کے مشہور شاعر بہادر حسین صابر کے علاوہ محمد عا طف احتشام، عبدالواحد اور غلام محی الدین شامل ہیں۔

نمازِ مغرب کی ادائیگی کے بعد مرکزی ناظم دعوت علامہ محمد ادریس رانا کودعوت خطاب دی گئی جنہوں نے قرآن کریم کی آیات ِبینات سے اپنے خطاب کا آغاز سے کیا جس کی تشریح بیان کرتے ہوئے انہوں نے فرمایا کے اسلام امن وسلامتی کا دین ہے کائنات کی ابتداءسے لے کرآج تک کوئی ایسا دین آیا ہے نہ آئے گا، انہوں نے کہا کہ جس طرح اسلام کا مطلب امن و سلامتی ہے اسی طرح اس کے ماننے والے بھی امن و سلامتی کے پیکر ہیں ، انہوں نے کہا اسلام کا دہشت گردی اور دہشت گردوں سے کوئی تعلق نہیں یہ صرف اسلام کا بدنام کرنے کی ایک منظم سازش ہے ، انہوں نے حدیث نبوی (صلی اللہ علیہ وسلم) کا حوالہ دیتے ہوئے کہا کہ مسلمان وہ ہے جس کے ہاتھ اور زبان سے دوسرا مسلمان محفوظ رہے ، انہوں نے مومن کی مزید صفات بتاتے ہوئے کہا کہ قرآن کریم کے مطابق مومن وہ ہے جو اللہ تعالیٰ سے اپنا تعلق قائم کرکے سکون حاصل کری، جب بھی دو مومنین اپنے میں ملتے ہیں وہ السلام علیکم کہتے ہوئے ایک دوسرے پر سلامتی بھیجتے ہیں ، انہوں نے کہا کہ انسان تو انسان ہے اسلام نے جانوروں پر بھی ظلم کرنے سے منع فرمایا ہے ۔

محفل کے موضوع پر بیان کرتے ہوئے انہوں نے فرمایا کہ امامِ عالی مقام حضرت امام حسین(رض) نے کربلا میں کسی صدارت یا بادشاہت کے لیے جنگ نہیں کی بلکہ انہوں نے اسلام کی اصلیت کو بچانے کے لیے اپنے آپ کو اور اپنے خاندان کو قربان کیا ، انہوں نے بتایا کہ امام حسین(رض) نے اپنی قربانی سے امتِ مسلمہ کو یہ سبق دیا ہے کہ جب بھی اسلام کوکوئی خطرہ پہنچے یا کسی انسان کو کوئی تکلیف ہو تو اس وقت صرف االلہ اللہ نہیں کرنی چاہیے بلکہ عملاً کوشش کرنی چاہیے ، تاکہ اسلام سے وہ خطرہ یا تکلیف دور ہو ، انہوں نے کہا کہ ابراہیم(علیہ السلام) کے فرزند اسماعیل(علیہ السلام) کی ایڑوں سے اگر وادی فاران کی غیر آباد جگہ پر پانی کا چشمہ جاری ہو سکتا ہے تو میدانِ کربلا میں امام حسین (رض) بھی اپنے قدموں سے کروڑوں چشمے جاری کر سکتے تھے لیکن انہوں نے اسلام کو بچانے کے لیے عملی کوشش کرنے کا درس دیا۔

انہوں نے کہا کہ بد قسمتی سے آج امتِ مسلمہ چھوٹے چھوٹے ٹکروں میں تقسیم ہو کر رہ گئی ہے جو دن بدن زیادہ ہوتے جا رہے ہیں، اگر ہمارے اندر کوئی آج اگر کوئی صرف اللہ تعالیٰ کا نام لے ، کوئی آقائے دو جہاں(صلی اللہ علیہ وسلم) کی نعت پڑھے یا کوئی اہلِ بیت اطہار (رض) کی محبت کا دعویٰ کرے تو ہم لوگ ان میں سے ہر ایک کو ایک مخصوص گروہ کا بندہ تصور کرتے ہیں ۔

ناظم دعوت منہاج القرآن انٹرنیشنل نے بتایا کہ صحابہ کرام اور اہلِ بیت اطہار کی آپس میں بہت زیادہ محبت تھی اس بات کو ثابت کرنے کے لیے انہوں نے احادیث نبوی (صلی اللہ علیہ وسلم) کے حوالہ جات بھی دیے ، انہوں نے بالخصوص حضرت ابو صدیق(رض) اور حضرت عمر فاروق(رض) کی حضرت علی (رض) اور حسنین کریمین(رض) کے ساتھ محبت کو بیان کیا ۔ انہوں نے کہا کہ اللہ تعالیٰ اور حضور (صلی اللہ علیہ وسلم) کے بعد اہل بیت سے محبت ایمان کا تیسرا سرچشمہ جبکہ صحابہ کرام سے محبت چوتھا سر چشمہ ہے ، انہوں نے کہا کہ آقا ءکے فرامین مقدسہ کے مطابق حسنین کریمین جنتیوں کے سردار ہیں اور اس سے یہ بات ثابت ہوتی ہے کہ جنت میں وہی جا سکتے ہیں جن کے دل میں حسنین کریمین کی محبت ہو گی۔

اپنے خطاب کے آخر میں انہو ں نے بتایا کہ اتحاد بین المسلمین دورِ حاضر کی سب سے بڑی ضرورت ہے اور اس کا بیڑا شیخ الاسلام ڈاکٹر محمد طاہر القادری نے اٹھایا ہی، انہوں شرکاءکو تلقین کی کہ وہ اہل بیت (رض) کی محبت کے بارے مزید جاننے کے لیے شیخ الاسلام ڈاکٹر محمد طاہر القادری کی کتب کو مطالعہ کریں اور ان کے خطابات بھی سنا کریں ۔

اسپورٹس ہال کے داخلی دروازہ پر منہاج لائبریری بارسلونا نے منہاج یوتھ لیگ کی نظامتِ پروڈکشن کے تعاون سے خصوصی سٹال لگایا گیا جس پر شیخ الاسلام کے خطابات اور قرآن کریم کا جدید اردو ترجمہ عرفان القرآن رکھا گیا ۔

محفل میں نقابت کے فرائض امیر منہاج القرآن انٹرنیشنل سپین بارسلونا علامہ عبد الرشید شریفی نے سرانجام دیے ۔اس پروگرام کے اختتام پر حاضرین میں تبرک تقسیم کیا گیا جس کا احسن انتظام حاجی محمد نذیر اداسی نے منہاج یوتھ لیگ سپین کے تعاون سے کیا اس کے علاوہ اس پروگرام کے تمام انتظامات بھی منہاج یوتھ لیگ سپین کے نوجوانوں نے کیے ۔

فُل سائز تصاویر

30 دسمبر بروز ہفتہ کو سپین میں رہنےوالےلاکھوں مسلمانوں نےاپنےکیلنڈر کا سب سےبڑا مذہبی تہوار منایا ، اس سلسلےمیں سپین کےتمام بڑےشہروں میں بڑےبڑےاجتماعات ہوئےجس میں ہزاروں فرزندانِ اسلام نےشرکت کی ۔

سابقہ سالوں کی طرح اس مرتبہ بھی کتالونیا کےدارالحکومت بارسلونا میں عید الاضحی کا سب سےبڑا اجتماع تحریک منہاج القرآن سپین کےزیرِ اہتمام Raval کےاسپورٹ ہال میں ہوا جس میں شرکاءکی تعداد زیادہ ہونےکےباعث نمازِ عید 3 مرتبہ کرائی گئی ۔

عید کی پہلی نماز طےشدہ شیڈول کےمطابق 9 بجےخطیب جامع مسجد منہاج القرآن علامہ عبد الرشید شریفی نےکرائی، دوسری نماز 9:40 پر ناروے سےآئے ہوئےمہمان خطیب مفتی زبیر تبسم نےکرائی جبکہ تیسری اور آخری نماز 10:20 پر امام جامع مسجد منہاج القرآن حافظ عبد الرزاق نقشبندی نےکرائی ۔

ہال میں داخلےاور خارجےپر منہاج یوتھ لیگ نےسیکورٹی کےمعاملات انتہائی احسن طریقےسےسر انجام دیےاس کےعلاوہ پولیس Mossos d'Esquadra نےبھی سیکورٹی امور میں معاونت فراہم کی جبکہ ہال کےاندر منہاج القرآن انٹرنیشنل، منہاج یوتھ لیگ اور منہاج چلڈرن لیگ نےانتظامیہ کےمعاملات نبھائے۔سیکورٹی اور انتظامیہ والوں کےسینوں اور بازوؤں پر بیج اور تحریکِ منہاج القرآن کےپرچم آویزاں تھے۔

داخلی راستہ پر نماز کےلیےآنےوالوں کو جوتوں کےلیےشاپر دیےگئےتاکہ نماز کےبعد جلد از جلد ہال خالی کیا جا سکے، اس موقع پر اسپورٹس ہال کو خوبصورت بینرز کےساتھ سجایا گیا ۔ہال میں داخلےکےلیےرمبلہ Raval کےفٹ پاتھ کو استعمال کیا گیا اور خارجہ کےلیےSant Pau کےپارک کو ۔

عید ِ قربان کےاس اجتماع میں ہمیشہ کی طرح بارسلونا کی میونسپل انتظامیہ، حکومتِ کتالونیا ، مرکزی حکومت اور حکمران جماعت کےنمائندوں نےمسلمانوں کو ان کےعظیم تہوار پر مبارک باد دی ۔پہلی نماز میں بارسلونا، کتالونیا اور سپین میں بر سراقتدار جماعت PSOE-PSC کےسیکریٹری اطلاعات Jose Maria Sala نےمسلمانوں کو ان کےتہوار پر مبارک باد کی اور اتنی بڑی تعداد کےنظم و ضبط کا مظاہرہ کرنےپر خوشی کا اظہار کیا، انہوں نےکہا کہ آپ کےاپنےوطن کےبعد کتالونیا آپ کا وطن ہے۔

دوسری نماز میں بلدیہ بارسلونا کےنمائندہ Paco Salvador اور کتالان حکومت کےنمائندہ Rafael Niubo نےکتالونیا اور بارسلونا میں بسنےوالےتمام مسلمانوں کوعید مبارک کہا، جناب Rafael Niubo نےکہا کہ مجھےاس تہوار میں شریک ہو کر بڑی خوشی ہوئی ہےاور ساتھ ہی میں آپ لوگوں کےمثالی نظم و ضبط سےبڑا متاثر ہوا ہوں ، کتالان حکومت آپ کےتمام جائز حقوق کا دفاع کرتےگی کتالونیا آپ کا دوسرا گھر ہےجبکہ کےآپ کی آنےوالےنسلوں کا پہلا گھر ہو گا لہٰذا اس کی تعمیر کےلیےمقامی لوگوں کےشانہ بشانہ کام کریں ، بلدیہ بارسلونا کےPaco Salvadorنےکہا یہ حسن اتفاق ہےکہ اس مرتبہ عیسائیوں اور مسلمانوں کےدونوں بڑےتہوار ایک ہی ہفتےمیں آئےہیں تو ہمیں اس اتفاق سےباہمی رواداری اور بھائی چارےکو فروغ دینےکےلیےفائدہ اٹھانا چاہیے، اور سپین کےوزیرِ اعظم کےمنشور تہذیبوں کےمابین تصادم کی بجائےتہذیبوں کےاتحاد کےلیےشب و روز محنت کی جائے۔

تیسری نماز میں کتالونیا کی مذہبی امور کی ڈائریکٹر Montserrat Coll اور سپین کی وزارتِ داخلہ کےنمائندوں نےبھی نظم و ضبط کی تعریف کی اور فرزندانِ اسلام کو دل کی گہرائیوں سےمبارک باد پیش کی اور کتالان حکومت کی طرف سےمسلمانوں کےمسائل حل کرنےکےلیےتعاون کی یقین دہانی کرائی انہوں نےکہا کہ بیشک آپ مختلف جگہوں اور ملکوں سےآئےہیں لیکن اب آپ کا مستقبل کا گھر کتالونیا ہی ہےانہوں نےکتالونیا کےصدر کا حوالہ دیتےہوئےکہا کہ ایک سرزمین میرےوالدین کی تھی جس سےمیں پیار کرتا تھا لیکن یہ سرزمین میرےبچوں کی سرزمین ہےتو مجھےاس سےبھی پیار کرنا ہو گا لہٰذا آپ سبھی کتالان مسلمان ہیں، ۔ منہاج القرآن انٹرنیشنل سپین کےسیکریٹری جنرل محمد اقبال نےمعزز مہمانوں کا شکریہ ادا کیا ۔

ہال کےداخلی راستہ پر اخبارات اور TV کی طرف سےآئےہوئےصحافیوں نےنمازِ عید کی کوریج کی، منہاج القرآن انٹرنیشنل سپین کےناظمِ نشر و اشاعت نوید اصغر اور منہاج یوتھ لیگ کےنائب صدر محمد عتیق الرحمان نےصحافیوں کو عید الاضحی کےبارےمیں تفصیلی معلومات فراہم کی ، صحافیوں کو بتایا گیا کہ اس دن مسلمان سنتِ ابرہیمی پر عمل کرتےہوئےنماز کےبعد اپنےگھروں میں ایک جانور قربان کرتےہیں اور اس کا گوشت اپنی فیملی کےعلاوہ محلہ کےتمام غرباءمیں تقسیم کیا جاتا ہے، صحافیوں ایک او ر تاریخی غلطی کا ازالہ کرنےکےبتایا گیا کہ قربانی کا حکم حضرت اسماعیل علیہ السلام کےلیےہوا تھا نہ کہ حضرت اسحق علیہ السلام کےلیے، ناظم و نشر و اشاعت نوید اصغر نےان کو بتایا کہ جب قربانی کا حکم ہوا تھا اس وقت حضرت اسحق علیہ السلام ابھی پیدا ہی نہیں ہوئےتھے۔

تمام نمازوں کےآخر میں منہاج القرآن انٹرنیشنل سپین کی انتظامیہ نےمنہاج یوتھ لیگ کو سیکورٹی معاملات انتہائی احسن طریقےسےنبھانےپر مبارک باد پیش کی جبکہ منہاج یوتھ لیگ سپین کےصدر مسیب حسن نےکہا کہ آئندہ انشا ءاللہ اس سےبھی بہتر انتظامات کیےجائیں گے۔

فُل سائز تصاویر