جامع مسجد منہاج القرآن بارسلونامیں ماہانہ گیارہویں شریف کی محفل

اتوار 18 دسمبر کو بعد نمازِ عصر جامع مسجد منہاج القرآن میں ماہانہ گیارہویں شریف کی محفل کا انعقاد کیا گیا، جس میں کثیر تعداد اہلِ عقیدت نے شرکت کی ۔ محفل کا آغازصحیفہ رشد ہدایت کی آیاتِ بینات سے جامع مسجد منہاج القرآن کے طالب علم محمد عاطف احتشام نے کیا ،جس کے بعد بارسلونا کے معروف نعت خوانان حضرات نے بارگاہِ رسالتِ مآب میں گلہائے عقیدت کے پھول نچھاور کیے ، ثناء خوان حضرات میں، حافظ محمد عاطف احتشام، عبد الواحد، قاری عبد الرحمن، عبد الجلیل، سید قاسم علی شاہ اور ناظم منہاج نعت کونسل قدیر احمد خان شامل تھے۔ ازاں بعد علامہ عبد الرشید شریفی صاحب نے اپنے خطاب میں اولیاءاللہ کے راستے پر چلے نے تلقین فرمائی اور فرمایا کہ یہ ہی راستہ اصلی راستہ ہے ، نمازمغرب ادا کرنے کے بعد محفل ذکر ہوئی اور خصوصی دعا ہوئی جس کے بعد لنگر تقسیم کیا گیا ۔ اس محفل میں منہاج القرآن انٹرنیشنل اسپین کے ، صدر، محمد اقبال، ناظم اجتماعات محمد نذیر اداسی، شعبہ ویلفئیر کے سربراہ محمد نواز کیانی، ناظم نشرو اشاعت نوید اصغر، چوہدری پرویز اختر، منہاج یوتھ لیگ کے نوجوانوں میں سے ناظم مالیات، محمد عاطف احتشام ، حافظ محمد اسد، محمد عماد اور خرم شبیر ،نے شرکت کی۔

 فُل سائز تصاویر