علامہ محمد ادریس رانا سپین کا 1 ماہ کا کامیاب دعوتی دورہ مکمل کر کےیونان روانہ ہو گئے
منہاج القرآن انٹرنیشنل کےمرکزی ناظم دعوت علامہ محمد ادریس رانا جو کہ گزشتہ جنوری سےسپین میں تھےگزشتہ اتوار 24 فروری کو اپنا ایک مہینہ اور کچھ دن پر مشتمل تبلیغی و دعوتی دورہ مکمل کر کےیونان روانہ ہو گئےہیں۔ بارسلونا ائیر پورٹ پر منہاج القرآن انٹرنیشنل سپین بارسلونا کےتنظیمی احباب اور منہاج یوتھ لیگ کےنوجوانوں نےان کو الوداع کیا ۔
علامہ محمد ادریس رانا 18 جنوری کو بارسلونا سپین تشریف لائےتھےجس کےبعد انہوں نےسپین کےمختلف شہروں میں دعوتی خطابات کیےجن میں بارسلونا، تورتوسا، گاندیا، ولینسیا، بُرگوس، ثاراگوثا، لوگرونیو، میڈرڈ، لیناریس، آرگاندا، قرطبہ اور غرناطہ شامل ہیں ، اس مدت کےدوران ہرجمعۃ المبارک علامہ ادریس رانا نےمنہاج اسلامک سنٹر بارسلونا میں خطبہ جمعہ دیا اور جامع مسجد منہاج القرآن بارسلونا میں درسِ قرآن دیا ، اس کےعلاوہ اس عرصہ میں منہاج ویمن لیگ اور منہاج یوتھ لیگ کےساتھ مختلف تربیتی نشستوں کا انعقاد بھی کیا گیا جس میں خواتین اور نوجوانوں کو اپنی تنظیمی و تحریکی تربیت کا موقع ملا ۔ 
یونان روانگی سےقبل جامع مسجد منہاج القرآن میں انعقاد پذیر منہاج القرآن بارسلونا کی تنظیمات کےاجلاس سےخطاب کرتےہوئےانہوں نےمنہاج القرآن بارسلونا کےقائدین و کارکنان کا شکریہ کیا اوربتایا کہ کچھ دن کے بعد مرکزی نظامت دعوت میں موجود ان کےساتھی صاحبزادہ علامہ ظہیر احمد نقشبندی سپین تشریف لائیں گےجس سےگزشتہ ایک ماہ میں ہونےوالا دعوتی کام جاری رہےگا ،اس موقع پر انہوں نےمنہاج یوتھ لیگ کےصدر محمد عتیق الرحمان کو خصوصی مبارک باد دیتےہوئےکہا کہ یہ خوش قسمتی کی بات ہےجو اس عمر میں منہاج القرآن جیسےعظیم مشن کےساتھ وابستہ ہیں اور اسی کی وجہ سےاللہ تبارک وتعالیٰ نےہمیں اپنےدین کی خدمت کرنےکا موقع دیا ہے ورنہ سب کو معلوم ہے کہ یورپ میں نوجوانوں کی راتیں کہاں گزرتی ہیں۔
منہاج القرآن انٹرنیشنل سپین کی طرف سےصدر حاجی مظہر حسین اور امیر تحریک علامہ عبد الرشید شریفی نےعلامہ محمد ادریس رانا کا خصوصی شکریہ ادا کرتے ہوئےکہا کہ ان کو یہ دورہ کبھی بھی نہیں بھولےگا اور سپین میں تحریک کا اتنا کام پہلےکبھی نہیں ہوا جتنا اس ماہ میں ہوا ہے۔
علامہ خان محمد چشتی نے کہا کہ شیخ الاسلام ایسی شخصیت ہیں جنہیں نہ صرف پاکستان بلکہ عرب و عجم میں بھی جانا اور پہچانا جاتا ہے اور لوگ ان کو اور ان کے تجدیدی کام کو قدر کی نگاہ سے دیکھتے ہیں، ان کی بنائی ہوئی تحریک آج دنیا کے 100 سے زائد ممالک میں انسانیت کی فلاح و بہبود اور اسلام کی سربلندی کے لیے کام کر رہی ہی، محترم خالد شہباز چوہان نے منہاج القرآن بارسلونا کے کام کی تعریف کرتے ہوئے کہا کہ منہاج القرآن کو وہ 8 سال سے جانتے ہیں اور ہمیشہ اس مشن سے لوگوں کو فائدہ حاصل کرتے ہوئے ہی دیکھتے آ رہے ہیں، انہوں نے کہا کہ انہوں نے یورپ میں بہت سی جگہوں پر منہاج القرآن کے کام کو دیکھا ہے اور وہ منہاج القرآن کو اس بات پر مبارک باد پیش کرتے ہیں ، انہوں نے شیخ الاسلام ڈاکٹر محمد طاہر القادری کے تجدیدی کام کی بھی تعریف کرتے ہوئے کہا ہے آج امت کو ایسے قائد کی ہی ضرورت ہی، محترم جاوید مغل نے اپنی تقریر میں بتایا کہ وہ منہاج القرآن کے آغاز کے وقت سے ہی شیخ الاسلام اور منہاج القرآن کو جانتے ہیں، انہوں نے کہا کہ منہاج القرآن نے امتِ مسلمہ کو علم کی دولت سے دوبارہ آراستہ کرنے کے لیے منہاج یونیورسٹی کی بنیاد رکھی جو کہ عالم کفر کی بڑی بڑی یونیورسٹیوں کا مقابلہ کر نے کی طاقت رکھتی ہی، انہوں نے شیخ الاسلام ڈاکٹر محمد طاہر القادری کے ترجمۃ القرآن عرفان القرآن کی بھی تعریف کی اور کہا کہ عرفان القرآن ترجمہ بہت ہی آسان اور عام فہم ہے جس سے نوجوان نسل کو بہت فائدہ ہوا ہے ۔ محترم محمد اقبال چوہدری نے اپنی تقریر میں کہا کہ اللہ تعالیٰ کا لاکھ لاکھ شکر ہے کہ ہم شیخ الاسلام ڈاکٹر محمد طاہر القادری جیسی عظیم المرتبت شخصیت کے دور میں ہیں وہ شخصیت جو اسلام کی طرف اچھالے جانے والے غلط پراپیگنڈہ کا مقابلہ کرنے کی صلاحیت رکھتی ہی، انہوں نے کہا وہ بہت ہی بدقسمت لوگ ہیں جو ایسی عظیم شخصیات کی مخالفت میں اپنی توانائیاں ضائع کرتے ہیں اورجب وہ اس دنیا سے چلے جاتے ہیں تو انہی کے قصیدے پڑھنے شروع کر دیتے ہیں، انہوں نے کہا کہ وہ بھی آغاز میں کچھ ایسی ہی غلط فہمیوں کا شکارتھے لیکن اللہ تعالیٰ کے فضل و کرم سے وہ اب اس عظیم مشن کا حصہ ہیں،انہوں نے منہاج القرآن بارسلونا کی تاریخ بیان کرتے ہوئے بتایا کہ بارسلونا میں اس مشن کی بنیاد 1996 میں رکھی گئی تھی اور آج بارسلونا سنٹر میں ہی 2 مراکز اہلِ پاکستان کی خدمت میں کام کر رہے ہیں ۔محترمہ صغریٰ بی بی نے بھی شیخ الاسلام اور منہاج القران کے کام کی تعریف کی اور قائدِ ملت اسلامیہ کی سالگرہ پر ان کو مبارک باد پیش کرتے ہوئے کہا کہ ضرورت اس بات کی ہے کہ ہم قائد کے پیغام کو گھر گھر تک پہنچائیں تاکہ یہ مشن اپنی منزل تک پہنچ سکے ۔ 
محفل کے مہمانِ خصوصی ناظم دعوت منہاج القرآن انٹرنیشنل علامہ محمد ادریس رانا کو دعوتِ خطاب دی گئی جنہوں نے اپنی بات کا آغاز قرآن کریم کی آیات سے کیا اور کہا کہ اللہ تعالیٰ کا لاکھ لاکھ شکر ہے کہ اس نے آج ہمیں اس بابرکت تقریب میں آنے کی صلاحیت عطا کی ، انہوں نے سب کو شیخ الاسلام کی سالگرہ کی مبارک باد پیش کی ،انہوں نے قرآن کریم کی آیات کا حوالہ دیتے ہوئے بتایا کہ شیخ الاسلام ایسی شخصیت ہیں جن کو اللہ تعالیٰ نے نور بانٹنے پر مامور کیا ہے اور ہمیں چاہیے کہ ہم اس نور کو حاصل کر کے اس سے فائدہ اٹھائیں، انہوں نے شیخ الاسلام کے تجدیدی کام پر تفصیل سے روشنی ڈالی، انہوں نے کہا کہ ایسی شخصیات صدیوں بعد اس دنیا میں آتیں ہیں ، انہوں نے بتایا کہ شیخ الاسلام ڈاکٹر محمد طاہر القادری موجودہ صدی کے مجدد ہیں ، انہوں نے کہا کہ اس موقع پر انہیں یہ اعلان کرتے ہوئے خوشی محسوس ہو رہی ہے کہ گزشتہ ایک ہفتہ میں بارسلونا اور اس کے مضافات کے 100 سے زائد لوگوں نے تحریک منہاج القرآن میں شمولیت کا اعلان کرتے ہوئے اس کی لائف ممبر شپ حاصل کی ہے ۔ 
تقریب کے اختتام سے قبل شیخ الاسلام کے فرزند ارجمند صاحبزادہ حسین محی الدین قادری نے اپنے ٹیلیفونک خطاب میں منہاج القرآن بارسلونا کے قائدین کو اس تقریب کے اہتمام پر خصوصی مبارک باد پیش کی ، انہوں نے شیخ الاسلام ڈاکٹر محمد طاہر القادری کے امتِ مسلمہ کے لیے تجدیدی کاموں پر روشنی ڈالی اور کہا ہم خوش قسمت ہیں جو ایسی عظیم شخصیت کی سالگرہ کے موقع پر خوشی کا اظہار کر رہے ہیں، انہوں علامہ حسن میر قادری اور علامہ محمد ادریس رانا کے سپین کے دعوتی و تنظیمی دوروں کو سراہتے ہوئے کہا کہ اس سے سپین میں تحریک کا پیغام بہت اچھے طریقہ سے پہنچا ہے، انہوں نے کہا کہ انبیاءکرام کے بعد امتِ مسلمہ کی اصلاح کے لیے اللہ تعالیٰ نے ہر صدی میں ایک عظیم شخصیت ہو پیدا فرمایا جو کہ اس صدی میں موجود مسائل کا حل فرماتی ہے اور شیخ الاسلام اس صدی کے مجدد ہیں، جو ماڈرن دور کے تقاضوں کو مدِ نظر رکھتے ہوئے امتِ مسلمہ کی رہنمائی فرما رہے ہیں، انہوں نے کہا کہ ہمیں چاہیے کہ ہم شیخ الاسلام کے دست و بازو بن کر مصطفوی انقلاب کی منزل کے حصول کے لیے کوشاں ہو جائیں ۔ 
منہاج القرآن انٹرنیشنل کے مرکزی ناظمِ دعوت علامہ محمد ادریس رانا سپین کے 3 ماہ کے دعوتی و تربیتی دورہ پر گزشتہ روز بارسلونا پہنچے تو ائیر پورٹ پر منہاج القرآن انٹرنیشنل سپین بارسلونا کے قائدین نے ان کا شاندار استقبال کیا۔منہاج القرآن انٹرنیشنل سپین بارسلونا کے امیر علامہ عبد الرشید شریفی نے علامہ محمد ادریس رانا کو پھول پیش کیے ۔ 
