10جون بروز جمعرات کو منہاج القرآن انٹرنیشنل سپین بارسلونا کے نائب صدر مرزا محمد اکرم بیگ نے تحریک منہاج القرآن کی مرکزی سپریم کونسل کے صدر صاحبزادہ حسن محی الدین قادری کے اعزاز میں عشائیہ دیا جس میں تحریک منہاج القرآن کے مرکزی نائب ناظم اعلیٰ شیخ زاہد فیاض ،MWFیورپ کے ڈائریکٹر علامہ محمد اقبال اعظم ، منہاج القرآن لوگرونیو کے غضنفر حسین اور رفاقت علی نے بھی شرکت کی ۔

عشائیہ کا اہتمام بیگ ریسٹورنٹ میں کیا گیا جس میں منہاج القرآن انٹرنیشنل سپین بارسلونا کی مجلس عاملہ (ایگزیکٹو کونسل ) کے تمام اراکین نے شرکت کی جن میں محمد نواز کیانی، حاجی مظہر حسین، نوید احمد اندلسی، محمد اقبال چوہدری، محمد ارشد، محمد نواز قادری، چوہدری پرویز اختر، قاری عبد الرحمان، زاہد اختر زاہدی، ظل حسن اور حاجی لیاقت علی شامل ہیں۔

تحریک منہاج القرآن کی مرکزی سپریم کونسل کے صدر صاحبزادہ حسن محی الدین قادری اور تحریک منہاج القرآن کے مرکزی نائب ناظم اعلیٰ شیخ زاہد فیاض کے دورہ بارسلونا(سپین) کے موقع پر 10جون بروز جمعرات رات 10بجے منہاج اسلامک سنٹر بارسلونا میں منہاج القرآن سپین (بارسلونا) کا رفقاء کنونشن منعقد ہوا جس کے دوران منہاج القرآن بارسلونا کی مجلس شوریٰ اور مجلس عاملہ کے ممبران سے مشاورت کے بعد حاجی محمد ارشد کو منہاج القرآن انٹرنیشنل سپین بارسلونا کی مجلس شوریٰ کا صدر مقرر کیا گیا ہے ۔ حاجی محمد ارشد کی بطور صدر مجلس شوریٰ کی تقرری کی باقاعدہ منظوری صدر سپریم کونسل صاحبزادہ حسن محی الدین قادری نے دی جس کے بعد مرکزی نائب ناظم اعلیٰ نے ورکرز کنونشن میں اس کا اعلان کیا ۔

منہاج القرآن انٹرنیشنل کے نظام العمل کے حاجی محمد ارشد عرصہ 2سال کے لیے مجلس شوریٰ کے صدر ہونگے ۔ اس سے پہلے منہاج القرآن بارسلونا کی مجلس شوریٰ کے صدر حاجی غلام حسین تھے ۔

تحریک منہاج القرآن کی مرکزی سپریم کونسل کے صدر صاحبزادہ حسن محی الدین قادری اور تحریک منہاج القرآن کے مرکزی نائب ناظم اعلیٰ شیخ زاہد فیاض کے دورہ بارسلونا(سپین) کے موقع پر 10جون بروز جمعرات رات 10بجے منہاج اسلامک سنٹر بارسلونا میں منہاج القرآن سپین (بارسلونا) کا رفقاء کنونشن منعقد ہوا جس کے دوران منہاج ویلفیئر فاؤنڈیشن کے یتیم بچوں کی کفالت کے منصوبہ آغوش کی تعمیر کے سلسلے میں میں نمایاں کارکردگی کا مظاہرہ کرنے والے منہاج القرآن سپین کے عہدیداران میں MWFکی طرف سے اعزاز ی اسناد تقسیم کی گئیں ۔

MWFیورپ کے ڈائریکٹر علامہ اقبال اعظم منہاجین نے منہاج القرآن کے عہدیداران کی طرف سے آغوش کی تعمیر کے لیے کی جانے والی مالی کوششوں کی تفصیلات بتائیں جس کے بعد منہاج القرآن انٹرنیشنل سپین بارسلونا کے سرپرست محمد نواز کیانی، صدر حاجی مظہر حسین ،سیکریٹری جنرل نوید احمد اندلسی ، صدر مصالحتی کونسل محمد اقبال چوہدری، صدر یوتھ لیگ محمد عتیق قادری، سیکریٹری جنرل یوتھ لیگ احسن جاوید خان، منہاج القرآن لوگرونیو کے صدر غضنفر حسین، سیکریٹری جنرل رفاقت علی، ظل حسن اور حاجی زاہد اختر زاہدی نے صاحبزادہ حسن محی الدین قادری سے اسناد وصول کیں ۔

فُل سائز تصاویر دیکھیں

تحریک منہاج القرآن کی مرکزی سپریم کونسل کے صدر صاحبزادہ حسن محی الدین قادری اور تحریک منہاج القرآن کے مرکزی نائب ناظم اعلیٰ شیخ زاہد فیاض کے دورہ بارسلونا(سپین) کے موقع پر 10جون بروز جمعرات رات 10بجے منہاج اسلامک سنٹر بارسلونا میں منہاج القرآن سپین (بارسلونا) کا رفقاء کنونشن منعقد ہوا جس میں بارسلونا اور گردو نواح میں رہنے والے وابستگان نے کثیر تعداد میں شرکت کی ۔ منہا ج القرآن لوگورونیو اور گاندیا (بالینسیا ) کے وفود نے بھی اس کنونشن میں خصوصی شرکت کی ۔ 

رفقاء و وابستگان کے اس تربیتی کنونشن کا باقاعدہ آغاز تلاوت قرآن کریم سے ہوا جس کی سعادت امام منہاج اسلامک سنٹر بارسلونا حافظ محمد عابد نقشبندی نے حاصل کی جس کے بعد منہاج یوتھ لیگ سپین کے حافظ محمد عاطف نے نعت رسول مقبول ﷺ پیش کی ۔پروگرام کے دوران نقابت کے فرائض امیر تحریک منہاج القرآن سپین(بارسلونا) علامہ عبد الرشید شریفی نے سرانجام دیے۔ 

تحریک منہاج القرآن کے مرکزی سنیئر نائب ناظم اعلیٰ شیخ زاہد فیاض نے مرکزی قائدین کے دورہ یورپ کے مقاصد سے کارکنان کو آگاہ کیا اور اس دور میں تحریک منہاج القرآن کی اہمیت و انفرادیت کے موضوع پر گفتگو کی ۔ انہوں نے تمام وابستگان کو تلقین کی کہ وہ وابستگی سے آگے بڑھتے ہوئے تحریک منہاج القرآن کے تاحیات رفیق بنیں اور شیخ الاسلام ڈاکٹر محمد طاہر القادری کے خطابات کو اپنی زندگیوں کا معمول بنائیں ۔ انہوں نے منہاج اسلامک سنٹر بارسلونا کی انتظامیہ کو ہدایت کی کہ وہ ہفتہ وار روحانی محفل میں اجتماعی طور پر کم از کم 30منٹ خطاب لازمی سنا کریں ۔ 

تحریک منہاج القرآن کی سپریم کونسل کے صدر صاحبزادہ حسن محی الدین قادری کو دعوت خطاب دی گئی انہوں نے قرآن مجید کی سورۃ نخل کو اپنے خطاب کا موضوع بنایا جس میں انہوں نے شہد کی مکھیوں کی مثال دیتے ہوئے کارکن کی ذمہ داریاں اور قیادت کے ساتھ وفاداری پر تفصیلی گفتگو کی ۔ انہوں نے بتایا کہ جو لوگ اس دنیا میں اللہ تعالیٰ کے مقرب لوگوں سے محبت کرتے ہیں اور ان کی سنگت و رفاقت اختیار کرتے ہیں روز قیامت بھی اللہ تعالیٰ ان لوگوں کو اپنے مقرب و محبوب بندوں کے ساتھ ہی اٹھائے گا ۔ انہوں نے تمام حاضرین کو دعوت دی کہ وہ تحریک منہاج القرآن کا مطالعہ کریں، اس کی رفاقت حاصل کریں اور دوسروں تک بھی اس پیغام کو پہنچائیں ۔

منہاج ویلفیئر فاؤنڈیشن کے یتیم بچوں کی کفالت کے منصوبہ آغوش میں نمایاں کارکردگی کا مظاہرہ کرنے والے منہاج القرآن سپین کے وابستگان میں MWFکی طرف سے ڈائریکٹر یورپ علامہ اقبال اعظم نے اعزاز ی اسناد تقسیم کیں ، منہاج القرآن بارسلونا کی مجلس شوریٰ کے صدر کی تقرری کا اعلان کیا گیا اور صاحبزادہ صاحب کی خصوصی دعا کے بعد نماز عشاء پر محفل اپنے اختتام کو پہنچی ۔

مزید تصاویر کے لیے یہاں کلک کریں

تحریک منہاج القرآن کی سپریم کونسل کے صدر اور شیخ الاسلام ڈاکٹر محمد طاہر القادری کے فرزند صاحبزادہ حسن محی الدین قادری 10جون بروز جمعرات بارسلونا، سپین پہنچے تومنہاج القرآن انٹرنیشنل سپین بارسلونا کی طرف سے ان کا شاندار استقبال کیا گیا ۔ان کے ساتھ مرکزی نائب ناظم اعلیٰ شیخ زاہد فیاض ،MWFیورپ کے ڈائریکٹر علامہ اقبال اعظم منہاجین ،منہاج القرآن لوگرونیو کے نائب صدر غضنفر حسین اور سیکریٹری جنرل رفاقت علی بھی موجود تھے ۔

امیر تحریک منہاج القرآن علامہ عبد الرشید شریفی نے تحریک منہاج القرآن سپین کی طرف سے صاحبزادہ حسن محی الدین قادری کو پھول پیش کیے ۔ اس موقع پر منہاج القرآن انٹرنیشنل سپین بارسلونا کی ایگزیکٹو کے تمام ارکان، منہاج یوتھ لیگ سپین کے نوجوان ،منہاج اسلامک سنٹر کے امام و خطیب اور paknews.esکے چیف ایڈیٹر شفقت علی رضاء بھی موجود تھے ۔