گزشتہ دنوں منہاج یورپین کونسل کے امیر علامہ حسن میر قادری کے بڑے بھائی علی اختر پاکستان میں انتقال کر گئے ، اتوار 27 دسمبر کو ہونے والے اجلاس میں منہاج القرآن بارسلونا،سپین کے سرپرست محمد نواز کیانی، امیر تحریک علامہ عبد الرشید شریفی، صدر مجلس شوریٰ حاجی غلام حسین ،صدر حاجی مظہر حسین، نائب صدر مرزا محمد اکرم بیگ، سیکریٹری جنرل نوید احمد اندلسی، صدر مصالحتی کونسل محمد اقبال چوہدری، صدر یوتھ لیگ محمد عتیق، سیکریٹری یوتھ لیگ احسن جاوید خان اور دیگر عہدیداران نے مرحوم کی وفات پر گہرے دکھ کر اظہار کیا اور اللہ تعالیٰ کی بارگاہ میں مرحوم کی بلندئ درجات اور مغفرت کے لیے دعا کی ۔
اس موقع پر علامہ عبد الرشید شیریفی نے علامہ حسن میر قادری کو بذریعہ ٹیلیفون منہاج القرآن سپین کے عہدیداران اور رفقاء کا تعزیتی پیغام پہنچایا ۔اس سے قبل شہادت امام حسین کانفرنسؓ کے اختتام پر علامہ حسن میر قادری کے مرحوم بھائی کے لیے اجتماعی دعا بھی کی گئی ۔
