منہاج مصالحتی کونسل سپین کا صاحبزادہ حسن محی الدین قادری کے اعزاز میں ظہرانہ، سرکاری عہدیداران و سماجی تنظیمات کے نمائندگان کی شرکت
منہاج مصالحتی کونسل سپین کی طرف سے 11جون بروز جمعہ ، بادالونا کے مقامی پاکستانی ریسٹورنٹ پر منہاج القرآن انٹرنیشنل کی مرکزی سپریم کونسل کے صدر صاحبزادہ حسن محی الدین قادری کے اعزاز میں ظہرانہ دیا گیا ۔
اس موقع پر حکومت کاتالونیا کی ڈائریکٹر جنرل مذہبی امور Montserrat Coll، بلدیہ بادالونا کے کونسلر شعبہ سماجی بہبود Josep Pera، بلدیہ بادالونا کے مشیر David Torrents، بلدیہ بادالونا کے کونسلر شعبہ تعلیماتJosep Duran،مشیر شعبہ تعمیرات Blas ، ہسپانوی وزارت داخلہ کے شعبہ انٹیلی جنس کے نمائندگان، پاکستان مسلم لیگ ن کے صدر منظور حسین شمس، آفتاب حسین ابرار، قمر مہر اور حلیم بٹ کو بھی خصوصی طور پر مدعو کیا گیا ۔منہاج القرآن انٹرنیشنل سپین بارسلونا کی ایگزیکٹو ، منہاج یوتھ لیگ سپین اور منہاج القرآن بادالونا کے عہدیداران نے بھی اس تقریب میں شرکت کی ۔
محمد اقبال چوہدری (صدر مصالحتی کونسل)نے تمام مہمانوں کا تعارف کروایا جس کے بعد حکومت کاتالونیا کی ڈائریکٹر جنرل برائے مذھبی امور Sra Montserrat Collنے تحریک منہاج القرآن کے مرکز ی قائدین کو بتایا کہ وہ منہاج القرآن سپین کے بین الثقافتی اور بین المذھبی کام سے بہت مطمئن ہیں ، انہوں نے سنیئر نائب ناظم اعلیٰ شیخ زاہد فیاض سے فرانسیسی زبان میں تفصیلی گفتگو میں منہاج القرآن بارسلونا اور اس کے شعبہ منہاج مصالحتی کونسل کی سرگرمیوں پر اپنے خیالات کا اظہار کیا ۔
