18 جنوری بروز اتوار کو منہاج یورپین کونسل کی جانب سے منہاج القرآن انٹرنیشنل سپین بارسلونا کے اعزاز میں بارسلونا کے معروف پاکستانی ریسٹورنٹ ذیشان کبابش پر شاندار عشایہ کا اہتمام کیا گیا جس میں منہاج یورپین کونسل کے امیر علامہ حسن میر قادری، صدر سید ارشد شاہ، سیکریٹری جنرل علامہ اقبال اعظم، نائب صدر محمد نعیم چوہدری، ناظم مصالحتی کونسل اعجاز احمد وڑائچ اور سیکریٹری جنرل منہاج القرآن ناروے فیض عالم قادری نے شرکت کی ۔عشایہ میں منہاج القرآن انٹرنیشنل سپین کے محمد نواز کیانی، علامہ عبد الرشید شریفی، حافظ عبد الرزاق نقشبندی، حافظ محمد عابد نقشبندی، حاجی مظہر حسین، نوید احمد اندلسی، چوہدری محمد رمضان، مرزا محمد اکرم بیگ، محمد اقبال چوہدری، حاجی نذیر احمد اداسی اور منہاج یوتھ لیگ سپین کے احسن جاویداور اسلام حسین سمیت دیگر ذمہ داران نے شرکت کی ۔ اس موقع پر منہاج یورپین کونسل کے قائدین نے منہاج القرآن بارسلونا کو منہاج یورپین کونسل کے شاندار انتظامات ، منہاج یوتھ لیگ سپین کی تنظیم نو اور منہاج القرآن بادالونا کی تنظیم نو پر مبارک باد پیش کی۔

فُل سائز تصاویر

25 جنوری بروز اتوار منہاج القرآن بادالونا کے زیرِ تعمیر مرکز میں منہاج القرآن بادالونا کا اجلاس انعقاد پذیر ہواجس کی صدارت منہاج القرآن بارسلونا کے ناظم تعلقاتِ عامہ محمد اقبال چوہدری نے کی، جبکہ منہاج القرآن انٹرنیشنل سپین کے سرپرست محمد نواز کیانی نے اس اجلاس میں خصوصی طور پر شرکت کی، منہاج القرآن بادالونا کی تنظیم نو ِ کے دوسرے مرحلے کے سلسلے میں منعقد ہونے والے اس اجلاس میں بادالونا سے تعلق رکھنے والے تحریک منہاج القرآن کے رفقاءو وابستگان کو تنظیم میں شامل کرنے کے بعد مختلف ذمہ داریوں کی تقسیم کی گئی ۔

اجلاس کا آغاز تلاوتِ قرآن کریم اور نعتِ رسول مقبول صلی اللہ علیہ وسلم سے کیا گیا ،مشاورت کے بعد منہاج القرآن بادالونا کی تنظیم نو کا دوسرا مرحلہ مکمل کیا گیا تنظیم ِ نو کی تکمیل کے بعد ذمہ داریوں کی تفصیل کچھ اس طرح سے ہے۔

جہانگیر حسین گرمالہ(صدر)، طاہر محمود(سنیئر نائب صدر)، محمد نواز جرال(نائب صدر)۔
عدنان رضا حسین(سیکریٹری جنرل)، شہباز جرال(جوائنٹ سیکریٹری)، مرزا آفتاب احمد(جوائنٹ سیکریٹری)۔
ارسلان اعظم کیانی(ناظم مالیات)، شیراز جرال(نائب ناظم مالیات)، عدنان اعظم کیانی(نائب ناظم مالیات)۔
محمد امین(ناظم نشرو اشاعت)، مظہر بلال(نائب ناظم نشرو اشاعت)۔
میاں برکات احمد(ناظم دعوت و تربیت)، محمد اقبال (نائب ناظم دعوت تربیت)۔
محمد عامر(ناظم اجتماعات)، ابرار احمد(معاون نظامتِ اجتماعات)، حافظ اعظم کیانی (معاون نظامتِ اجتماعات)،مرزا شکیل احمد (معاون نظامتِ اجتماعات)۔

اجلاس میں منہاج یوتھ لیگ سپین سے تعلق رکھنے والے محمد عمیر ڈار اور محمد حسنین نے بھی شرکت کی ۔

اختتامی دعا سے قبل تمام شرکاءاجلاس نے منہاج القرآن بادالونا کے مرکز کی تعمیر کو جلد از جلد مکمل کرنے کا عزم کیا ۔

18 جنوری بروز اتوار منہاج اسلامک سنٹر بارسلونا میںمنہاج القرآن بارسلونا کی مجلس شوریٰ کا اجلاس انعقاد پذیر ہوا جس کی صدارت امیر منہاج یورپین کونسل علامہ حسن میر قادری نے کی جبکہ صدر منہاج یورپین کونسل سید ارشد شاہ نے خصوصی شرکت کی، منہاج یورپین کونسل کے دیگر عہدیداران میں سے سیکریٹری جنرل علامہ محمد اقبال اعظم، ناظم مصالحتی کونسل اعجاز احمد وڑائچ اور سیکریٹری جنرل منہاج القرآن ناروے فیض عالم نے بھی شرکت کی ۔

اجلاس کا باقائدہ آغاز تلاوتِ قرآن کریم سے حافظ محمد عابد نقشبندی نے کیا جس کے بعد محمد شفیق نے نعتِ رسول مقبول صلی اللہ علیہ وسلم پیش کی۔ علامہ حسن میر قادری نے میٹنگ کی کاروائی کا آغاز کرتے ہوئے تمام شرکاءاجلاس کو خوش آمدید کرتے ہوئے کہا کہ آج ہم اس منہاج اسلامک سنٹر بارسلونا میں مصطفوی مشن اور تحریک منہاج القرآن کی بہتری اور اس کے فروغ کے لیے جمع ہیں ۔ علامہ حسن میر قادری نے یورپین کونسل اور منہاج القرآن انٹرنیشنل سپین کے عہدیداران کا تعارف کروایا،تعارفی نشست کے دوران انہوں نے منہاج مصالحتی کونسل ناروے کے سربراہ اعجاز احمد وڑائچ کا خصوصی تعارف کرواتے ہوئے بتایا کہ ناروے اور پورے یورپ میں ویلفیئر اور انسانیت کی فلاح و بہبود وہ کے لئے کئے جانے والے کام کی وجہ سے ایک مثال بن گئے ہیں، اسی بنا پر اوسلو حکومت کی جانب سے انہوں گزشتہ سال کا ایوارڈ بھی دیا گیا۔

منہاج القرآن انٹرنیشنل سپین بارسلونا کی طرف سے صدر حاجی مظہر حسین، سیکریٹری جنرل نوید احمد اندلسی اور ناظم تعلقاتِ عامہ محمد اقبال چوہدری نے منہاج القرآن بارسلونا کی گزشتہ سال کی کارکردگی رپورٹ پیش کی جس میں بین المذھبی اور بین الثقافتی ڈائیلاگ کے لیے منہاج القرآن بارسلونا کے کام کو سراہا گیا ۔محمد اقبال چوہدری نے بتایا کہ منہاج القرآن بارسلونا کی طرف سے مقامی کیمونٹی کے ساتھ مل کر ہر سا ل ایک بین المذھبی اور ایک بین الثقافتی پروگرام انعقاد کیا جاتا ہے جس میں بارسلونا کے ہر مذھب اور کلچر کی نمائندگی ہوتی ہے ۔

اجلاس کے کاروائی کے دوران منہاج القرآن انٹرنیشنل سپین بارسلونا کی ذیلی تنظیم منہاج القرآن بادالونا اور منہاج یوتھ لیگ سپین کی تنظیم نو کی گئی،اس دوران علامہ حسن میر قادری اور سید ارشد شاہ نے شرکاءاجلاس کو مصطفوی مشن کے فروغ اور سربلندی کے لیے کام کرنے کی تاکید کی ۔ اس موقع پر علامہ حسن میر قادری نے یہ بھی کہا کہ مرکز اور یورپین کونسل میں منہاج القرآن سپین اور منہاج یوتھ لیگ سپین کے مشن کے لیے کئے گئے کام کو بہت پسند کیا گیا ہے ۔

17 جنوری بروز ہفتہ شام 8بجے منہاج اسلامک سنٹر بارسلونا میں منہاج یورپین کونسل کا سالانہ اجلاس منعقد ہوا جس میں مختلف تنظیمی امور زیرِ گفتگو آئے اس میں منہاج یورپین کونسل کے عہدیداران امیرعلامہ حسن میر قادری، صدر سید محمدارشد شاہ، سیکریٹری جنرل علامہ محمد اقبال اعظم، سنیئر نائب صدر محمد نعیم چوہدری، ناظم ویلفیئر ڈاکٹر عابد عزیزخان، ناظم مصالحتی کونسل اعجاز احمد وڑائچ اور نائب ناظم نشرو اشاعت نوید احمد اندلسی نے شرکت کی اس کے علاوہ اجلاس میں منہاج القرآن انٹرنیشنل کی پورے یورپ کی ملکی تنظیمات کے نمائندوں نے بھی شرکت کی جن میں فرانس سے عبد الجبار بٹ (صدر)، رانا فیصل علی قادری(سیکریٹری جنرل)، مہر محمد ارشد (ناظم ویلفیئر) ، محمد سہیل بٹ(سیکریٹری جنرل پاکستان عوامی تحریک)۔ہالینڈ سے سید مقصود شاہ (صدر)، تسنیم صادق (سیکریٹری جنرل)۔ جنوبی اٹلی سے حاجی اعجاز احمد(نائب صدر)، سمیع اللہ قادری (سیکریٹری جنرل)۔شمالی اٹلی سے حاجی ارشد جاوید(نائب صدر) ، صوفی محمد اشرف (سیکریٹری جنرل)۔ یونان سے محمد آصف قادری(ناظم دعوت )۔ ناروے سے فیض عالم ( سیکریٹری جنرل)۔ جبکہ میزبان تنظیم سپین کی جانب سے سرپرست محمد نواز کیانی، امیر تحریک علامہ عبد الرشید شریفی، صدر حاجی مظہر حسین ، سیکریٹری جنرل نوید احمد اندلسی، نائب صدر محمد اکرم بیگ، ناظم ممبر شپ حاجی محمد نذیر اداسی اور ناظم تعلقات عامہ محمد اقبال چوہدری اور منہاج یوتھ لیگ سپین سے صدر احسن جاوید، نائب ناظم محمد نعمان،ارشد نواز،زکی افتخار اور وقاص علی نے شرکت کی ۔

اجلاس کا آغاز تلاوت قرآن کریم سے علامہ عبد الرشید شریفی نے کیا جس کے بعد اٹلی کے مہمان حاجی اعجاز احمد نے آقاءدو جہاں صلی اللہ علیہ وسلم کی بارگاہ میں اپنا کلام پیش کیا ، امیر تحریک منہاج یورپین کونسل علامہ حسن میر قادری نے استقبالیہ کلمات کے بعد تمام ممالک کے نمائندگان کو اجلاس میں شرکت کے لیے سپین آنے پر خوش آمدید کہا ۔علامہ حسن میر قادری نے اجلاس میں موجود منہاج القرآن انٹرنیشنل سپین کے ذمہ داران کا تعارف کروایا جس کے بعد دیگر ملکی تنظیمات کے نمائندگان نے بھی اپنا تعارف کرایا ۔ اس تعارفی نشست سے کے بعد علامہ عبد الرشید شریفی نے تحریک منہاج القرآن سے وابستہ افراد کے فوت شدگان اور اسرائیلی مظالم سے شہید ہونے والے فلسطینی مسلمانوں کے لیے بلندی درجات اور مغفرت کی دعا کروائی۔

ایجنڈے کے مطابق اجلاس کا آغاز کرتے ہوئے علامہ حسن میر قادری نے منہاج مصالحتی کونسل ناروے اور اس کے صدر اعجاز احمد وڑائچ کا تفصیلی تعارف کروایا ، انہوں نے بتایا کہ حضور شیخ الاسلام ڈاکٹر محمد طاہر القادری نے ان کے کام کو پسند کرتے ہوئے ان کو منہاج یورپین کونسل میں ناظم مصالحتی کونسل مقرر کیا ہے اس کے علاوہ ناروے حکومت نے بھی ان کے کام کو سراہا ہے اور اسی بنیاد پر اوسلو حکومت کی جانب سے ان کو سال 2008 کا ایوارڈ بھی دیا گیا ہے ۔ اجلاس کے دوران منہاج مصالحتی کونسل کے سربراہ نے پراجیکٹر اور کمپیوٹر کی مدد سے منہاج مصالحتی کونسل کے تحت ہونے والے مختلف کاموں کے بارے بریفینگ دی ۔ انہوں نے بتایا کہ اب وہ منہاج مصالحتی کونسل کے کام کو ناروے سے باہر پورے یورپ تک لیجانا چاہتے ہیں اور تمام ممالک میں اس کی شاخیں قائم کرنے کے لیے ابھی سے کام کا آغاز کر دیا گیا ہے ۔

ایجنڈے کے اگلے پوائنٹ میں منہاج القرآن یورپ کی تنظیمات کی طرف سے پراگرس رپورٹیں پیش کی گئیں ، امیر تحریک ، صدر اور ناظم نے تمام تنظیمات کے کاموں کو سراہا ۔ سپین اور یونان کی تنظیم کو نئے مراکز خریدنے پر مبارک باد پیش کی گئی، اس موقع پر بتایا گیا کہ منہاج القرآن یونان کو مرکز منہاج القرآن لاہور کی جانب سے نئے مرکز کی تعمیر اور تکمیل پر گولڈ میڈل دیا گیا ہے ، فرانس میں سفیر یورپ علامہ حافظ نذیر احمد خان کی زیرِ نگرانی یوتھ (لڑکے اور لڑکیوں)کے لئے خصوصی کلاسز کا اہتمام کیا گیا ہی، ڈنمارک میں الفرغانہ انسٹی ٹیوٹ کا قیام عمل میں لایا گیاہے اور ڈینش زبان میں عرفان القرآن اور منہاج السوی کے ترجمے کا کام کامیابی سے جاری ہی، شمالی اٹلی اور سپین میں مقامی کمیونٹی کے ساتھ انٹر فیتھ اور بین الثقافتی معاملات پر مختلف پروگرامز کے انعقادکا سلسلہ جاری ہے اور منہاج القرآن سپین کے تحت عرفان القرآن کا ہسپانوی زبان میں ترجمہ کا کام بھی جاری ہے ۔

ناظم ویلفیئر منہاج یورپین کونسل ڈاکٹر عابد عزیز خان نے مرکز منہاج القرآن لاہور پر یتیم بچوں کی کفالت کے منصوبہ آغوش پر تحریری اور تصاویری مواد کے ذریعے تفصیلی بریفینگ دی ۔ انہوں نے بتایا کہ 30 کروڑ کی لاگت سے تکمیل تک پہنچنے والے اس5سالہ منصوبہ کا آغاز کر دیا گیا ہے جس میں 500 یتیم بچوں کی کفالت اور مکمل تربیت کا کام شامل ہے ۔ اس منصوبہ کو کامیابی سے پایہ تکمیل تک پہنچانے کے لئے منہاج یورپین کونسل کے ممبران نے آپس میں گفتگو کے بعد تفصیلی لائحہ عمل کی منظوری دی۔

دوران اجلاس حضور شیخ الاسلام ڈاکٹر محمد طاہر القادری نے کینیڈا سے ٹیلیفونک گفتگو کرتے ہوئے منہاج یورپین کونسل کو اجلاس کے انعقاد اور مختلف منصوبہ جات کی تکمیل پر مبارک باد اور خصوصی دعائیں دیں اس موقع پر انہوں نے فرمایا کہ تحریک منہاج القرآن کے انتظامی امور میں منہاج یورپین کونسل ریڑھ کی ہڈی کی حیثیت رکھتی ہے ۔

نوید احمد اندلسی (راقم )نے تحریک منہاج القرآن کی طرف سے انٹرنیٹ پر آغاز کردہ دو نئے سلاسل منہاج نیوز اور منہاج فورمز پر کمپیوٹر اور پراجیکٹر کی مدد سے بریفنگ دی۔اجلاس کے اختتام سے قبل تمام شرکاءنے منہاج یورپین کونسل کے کام کو مزید بہتر بنانے کے لیے تجاویز دیں اور منہاج القرآن انٹرنیشنل سپین و منہاج یوتھ لیگ سپین کو منہاج یورپین کونسل کی میٹنگ کے احسن انتظامات پر مبارک باد پیش کی اور آخر میں صدر منہاج یورپین کونسل سید ارشد شاہ اور ناظم منہاج یورپین کونسل علامہ اقبال اعظم نے تمام شرکاءاجلاس کا شکریہ ادا کیا ۔امیر منہاج یورپین کونسل علامہ حسن میر قادری نے پاکستا ن اور عالم اسلام کی ترقی ،تحریک منہاج القرآن کی کامیابی اور شیخ الاسلام ڈاکٹر محمد طاہر القادری کے صحت کے لیے خصوصی دعا کروائی جس پر 9 گھنٹے جاری رہنے والا تاریخی اہمیت کا حامل یہ اجلاس اپنے اختتام کو پہنچا۔

|