شیخ الاسلام ڈاکٹر محمد طاہر القادری کے شاگرد ،منہاج یونیورسٹی کے فاضل اور Noor TV کے معروف مقرر علامہ ظل عمر قادری 4 روزہ دعوتی دورے پر 15 مئی کو آئر لینڈ سے بارسلونا پہنچ گئے ہیں۔ منہاج القرآن بارسلونا کے عہدیداران نے بارسلونا انٹرنیشنل ائیر پورٹ پر ان کا استقبال کیا ۔ اس موقع پر منہاج القرآن انٹرنیشنل سپین بارسلونا کے نائب صدر مرزا محمد اکرم بیگ، منہاج یوتھ لیگ سپین کے صدر محمد عتیق اور یوسف بلال مصطفوی موجود تھے۔

علامہ ظل عمر قادری نے آج (15 مئی بروز جمعہ)کو بادالونا میں نماز جمعہ کے اجتماع سے خطاب کیا ، وہ بارسلونا، سپین میں قیام کے دوران جن دیگر پروگرامز میں شرکت کریں گے ان میں مساجد کے اوپن ڈور سیشن کی تقریب، منہاج یوتھ لیگ سپین کی تربیتی نشست، منہاج ویمن لیگ سپین کی تربیتی نشست اور ماہانہ محفل گیارہویں شریف سے خطاب کریں گے۔

منہاج القرآن انٹرنیشنل سپین بارسلونا کی مجلس شوریٰ کا اجلاس مورخہ 19 اپریل 2009ء کو ہوا جس میں منہاج القرآن انٹرنیشنل ڈنمارک کے سیکریٹری جنرل محمد بلال اپل کے والد گرامی اور ڈنمارک میں تحریک کے بانی رہنماء محمد اشرف اپل کی وفات پر گہرے دکھ کا اظہار کیا گیا۔ اجلاس میں محمد اشر ف اپل کی مغفرت اور لواحقین کے لیے صبر و حوصلہ کی دعا بھی کی گئی۔

محمد اشرف اپل کا شمار منہاج القرآن انٹرنیشنل ڈنمارک کے بانی اراکین اور سینئر اراکین میں ہوتا ہے۔ آپ کی مصطفوی مشن کی ترویج و اشاعت اور دیار غیر میں اشاعت اسلام کے لیے کی جانے والی خدمات قابل تعریف ہیں۔ انہی شاندار خدمات کی وجہ سے ان کی تدفین روضۃ المخلصین (بالمقابل منہاج یونیورسٹی) میں کی گئی۔ آپ وہ تیسری شخصیت ہیں جنہیں آقا صلی اللہ علیہ وآلہ وسلم کے مشن کی خدمت کے طفیل یہ اعزاز حاصل ہوا۔ اس سے پہلے وہاں شہید تنویر احمد قریشی اور شیخ محمد رفیع آرام فرما ہیں۔ روضۃ المخلصین بغداد ٹاؤن (ٹاؤن شپ)، لاہور میں واقع ہے۔ شیخ الاسلام ڈاکٹر محمد طاہرالقادری نے زمین کے اس حسین ٹکرے کو روضۃ المخلصین کا نام دیا ہے۔ آپ نے یہ جگہ ان خوش نصیب عشاقان مصطفیٰ صلی اللہ علیہ وآلہ وسلم کے لیے مختص کی ہے جنہوں نے پیارے آقا صلی اللہ علیہ وآلہ وسلم کے مشن کے لیے اپنی زندگی قربان کی ہے۔

19 اپریل 2009ءکو منہاج اسلامک سنٹر بارسلونا میں صدر مجلس شوریٰ حاجی غلام حسین کی صدارت میں منہاج القرآن انٹرنیشنل سپین بارسلونا کی مجلس شوریٰ کا اجلاس منعقد ہوا جس میں منہاج القرآن بارسلونا، بادالونا، منہاج یوتھ لیگ اور اراکین شوریٰ نے شرکت کی ، اجلاس میں اہم تنظیمی امور پر گفت و شنید کے بعد آئندہ سہ ماہی کے لیے منصوبہ بندی کی گئی ۔

اجلاس کا آغاز تلاوت قرآن کریم سے امام منہاج اسلامک سنٹربارسلونا حافظ محمد عابد نقشبندی نے کیا اور صدر منہاج یوتھ لیگ محمد عتیق نے نعت رسول مقبول صلی اللہ علیہ وسلم پیش کی، اس کے بعد سیکریٹری جنرل منہاج القرآن بارسلونا نوید احمد اندلسی نے پروجیکٹر کے ذریعے شرکاءکو اجلاس کے انعقاد کا مقصد اور ایجنڈے کی تفصیلات بتائیں ۔

اجلاس میں منہاج القرآن بارسلونا کے دونوں مراکز اور منہاج القرآن بادالونا کے مرکز کے مالی امور پر گفتگو اور اہم فیصلہ جات کیے گئے۔جامع مسجد منہاج القرآن بارسلونا کی رپورٹ ناظم مالیات محمد ارشد نے ، منہاج اسلامک سنٹر بارسلونا کی رپورٹ چوہدری پرویز اختر نے اور منہاج اسلامک سنٹر بادالونا کی رپورٹ سیکریٹری جنرل بادالونا محمد عدنان نے پیش کی۔ شوریٰ کے اس اجلاس میں محمد اقبال چوہدری نے منہاج مصالحتی کونسل بارسلونا کا تفصیلی تعارف کرایا اور مصالحتی کونسل کی اب تک کی کارکردگی رپورٹ بھی بتائی۔ منہاج یوتھ لیگ سپین کے صدر محمد عتیق اور سیکریٹری جنرل احسن جاوید خان نے نوجوانوں کی سرگرمیوں کے حوالے سے شوریٰ کو اپنی رپورٹ پیش کی۔اجلاس کے آخر میں محمد نواز کو مجلس شوریٰ کا ناظم مالیات مقرر کیا گیا اور یہ بتایا گیا کہ منہاج القرآن بارسلونا کی مجلس شوریٰ کا اگلا اجلاس 31 مئی کو ہو گا۔ منہاج القرآن بارسلونا کے پہلے امام علامہ خان محمد چشتی کی زوجہ کی حادثاتی موت پر اور ڈنمارک کے سنئیر رہنما محمد اشرف اپل کے وصال پر گہرے دکھ کا اظہار کیا گیا اور مرحومین کی مغفرت کے لیے خصوصی دعا کی گئی۔

|
|
|
|
|
|
|
|
|
|
|
|
فُل سائز تصاویر  

13 تاریخ بروز جمعۃ المبارک کو بارسلونا ائیر پورٹ پر علامہ جنید عالم قادری منہاجین جب بارسلونا ائیر پورٹ پر پہنچے تو منہاج القرآن بارسلونا کی طرف سے ان کا شاندار استقبال کیا گیا اس موقع پر نائب صدر مرزا محمد اکرم بیگ ، سیکریٹری جنرل نوید اندلسی، صدر یوتھ راجہ محمد عتیق الرحمان اور حافظ محمد عابد نقشبندی موجود تھے ، منہاج القرآن بارسلونا کے ممبران نے انہیں استقبالیہ پھول پیش کیی۔ علامہ جنید عالم قادری بارسلونا اور بادالونا میں محافلِ عید میلاد النبی (صلی اللہ علیہ وآلہ وسلم)سے خطاب کے لیے تشریف لائے یاد رہے کہ وہ اس سے پہلے 2007 کے محرم الحرام میں بھی تشریف لائے تھے ۔

شیخ الاسلام ڈاکٹر محمد طاہر القادری کی 58 ویں سالگرہ ۔ ویڈیو کوریج

منہاج القرآن انٹرنیشنل سپین کے زیرِ اہتمام منہاج اسلامک سنٹر بارسلونا میں 19 فروری بروز جمعرات کو بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہر القادری کی 58 ویں سالگرہ کے سلسلے میں ایک عظیم الشاں تقریب کا اہتمام کیا گیا ۔ اس موقع پرمنہاج اسلامک سنٹر بارسلونا کو شیخ الاسلام ڈاکٹر محمد طاہر القادری کی تصاویر اور مبارک باد کے اشتہارات سے سجایا گیا، اسلامک سنٹر کے ہال میں کرسیاں لگا کر خواتین و حضرات کے لیے الگ الگ انتظام کیا گیا ۔ تقریب کی صدارت منہاج القرآن انٹرنیشنل سپین کے صدر حاجی مظہر حسین نے کی،تقریب میں منہاج القرآن انٹرنیشنل سپین کے عہدیداران و ممبران، منہاج یوتھ لیگ سپین، منہاج ویمن لیگ، طلباءمنہاج القرآن بارسلونا اور پاکستانی کمیونٹی کی نمائندہ تنظیمات کے سربراہان کے علاوہ کثیر تعداد میں صحافی برادر ی نے شرکت کی، تقریب میں خواتین کی تعداد دیدنی تھی ۔ اس پروگرام میں نقابت کے فرائض امام منہاج اسلامک سنٹر بارسلونا حافظ محمدعابد نقشبندی نے سر انجام دیے۔

| | |

منہاج القرآن بارسلونا کے جن عہدیداران نے اس تقریب میں شرکت کی ان میں چوہدری علامہ عبد الرشید شریفی(امیر تحریک)، غلام حسین(صدر مجلس شوریٰ)، حاجی مظہر حسین(صدر)، نوید احمد اندلسی(سیکریٹری جنرل)، مرزا محمد اکرم بیگ(نائب صدر)، چوہدری محمد رمضان(نائب صدر)، محمد اقبال چوہدری (ناظم مصالحتی کونسل)، چوہدری پرویز اختر (نائب ناظم ویلفیئر)، حاجی محمد نذیر اداسی ( ناظم ممبر شپ)، ارشد محمود ( ناظم مالیات)، حاجی لیاقت علی(نائب ناظم مالیات)، قاری عبد الرحمان(نائب ناظم مالیات)، حاجی فیض بخش اعوان (ممبر مجلس عاملہ) اور حاجی اشتیاق احمد (ممبر مجلس عاملہ)شامل تھے ۔ منہاج یوتھ لیگ سپین میں سے محمد عتیق(صدر)، احسن جاوید(سیکریٹری جنرل)، اسلام حسین(نائب صدر)، زاہد انور(ایگزیکٹو ممبر)، محمد نعمان(لائبریرین)، ارشد نواز(ایگزیکٹو ممبر)، رضوان علی سلطانی(ناظم مالیات)، محمد علی(ممبر)اور خرم شبیر (ممبر) سمیت دیگر شامل تھے ۔ پاکستانی کیمونٹی کی مقامی تنظیمات کے جن نمائندگان نے اس تقریب میں شرکت کی ان میں علامہ مظفر حسین نقوی (نمائندہ شیعہ کیمونٹی)، جاوید مغل(چیف ایڈیٹر ہم وطن و ترجمان پاک فیڈریشن)، حافظ عبد الرزاق صادق(صدر پاک پریس کلب)، خالد شہباز چوہان(صدر پاک کتلان )، چوہدری عامر سیال(نائب صدر پاک فیڈریشن)، شاہد لطیف(صدر دعوت اسلامی)، بہادر حسین صابر(معروف شاعر)، ظفر اقبال حسن(صحافی نمائندہ NNA)، راجہ شعیب ستی(معروف سماجی شخصیت)، شفقت علی رضا (معروف صحافی )، سید ظفر علی شاہ(سیکریٹری جنرل پاک کتلان)، شاہد احمد شاہد(جذبہ انٹرنیشنل)، ممتاز منیر سہوترہ (ڈیلی یورو نیوز )اور ارشد نذیر ساحل (ہم وطن )شامل تھے ۔

|

تقریب کا باقاعدہ آغاز صحیفہ ہدایت کی تلاوت سے کیا گیا جس کی سعادت علامہ عبد الرشید شریفی (امیر تحریک منہاج القرآن بارسلونا) نے حاصل کی ۔ منہاج یوتھ لیگ سپین کے نعت خواں راجہ محمد شفیق نے آقاءدوجہاں صلی اللہ علیہ وآلہ وسلم کی بارگاہ میں شیخ الاسلام ڈاکٹر محمد طاہر القادری کا کلام پیش کیا ۔ اس کے بعد حافظ محمد عاطف احتشام نے منہاج اسلامک سنٹر بارسلونا کے طلباءکے ساتھ مل کر شیخ الاسلام ڈاکٹر محمد طاہر القادری کی شان میں صاحبزادہ حسین محی الدین قادری کی کتاب نقش اول سے منتخب ترانہ (وہ وعلم کی ہے مشعل وہ معرفت کا دھارا ) پیش کیا جس کو حاضرین نے بہت پسند کیا ۔

| |

القائم اسلامک سنٹر بارسلونا کے سابقہ امام اور شیعہ کیمونٹی کے عالم دین علامہ مظفر حسین نقوی، بابائے صحافت اور ادارہ ہم وطن بارسلونا کے ڈائریکٹرجاوید مغل، پاکستان فیڈریشن سپین کے نائب صدر چوہدری عامر سیال، معروف کالم نویس اور صحافی ظفر اقبال حسن اور پاک کتالان ایسوسی ایشن کے صدر خالد شہباز چوہان نے ڈاکٹر محمد طاہر القادری کی خدمات کا ذکر کرتے ہوئے کہا کہ یہ وہ شخصیت ہیں جنہوں نے پاکستان فرقہ ورایت کے جراثیم کو جڑ سے اکھاڑ دیا، انہوں نے مسلمانوں کوا تحاد کا سبق دیا، شیعہ عالم دین نے دفاع اہل بیت و صحابہ کرام اور فروغِ عشق مصطفی صلی اللہ علیہ وآلہ وسلم کے حوالے سے شیخ الاسلام کی خدمات کا بالخصوص ذکر کیا، انہوں نے حضور شیخ الاسلام کی عمر درازی کے لئے دعا بھی کی۔ ادارہ ہم وطن کے ڈائیریکٹر نے کہا کہ ڈاکٹر محمد طاہرا لقادری جیسی شخصیت اس دنیا میں عرصے بعد آتی ہیں، انہوں نے شیخ الاسلام کی تعلیمی خدمات اور تمام مسالک سے بالاتر ہو کر تبلیغ اسلام کا خصوصی ذکر کیا پاک فیڈریشن کے نائب صدر نے بھی شیخ الاسلام کے اندازِ خطاب اور تعلیمی خدمات کی تعریف کی اور ان کی300 سے زائد تصانیف اور ترجمہ عرفان القرآن کو اپنی گفتگو کو موضوع بنایا۔ انہوں نے نئے نسل کو سنوارنے لیے تحریک اور قائد تحریک کی طرف سے کیے جانے والے کام کی خصوصی تعریف کی۔ NNA کے نمائندہ نے کہا ڈاکٹر محمد طاہرا لقادری نے اس وقت امت مسلمہ کو سہارا دے کر اتحاد کا درس دیا جب پاکستان میں ہر مسلک دوسرے مسلک پر کفر کا فتویٰ لگاتا تھا اور فرقہ ورایت وقتل و غارت عروج پر تھی، انہوں نے کہا کہ وقت کی پکار ہے کہ ہم ڈاکٹر طاہر القادری کے افکار پر عمل کریں اور اپنا کھویا ہوا مقام حاصل کریں۔ پاک کتالان کے صدر نے تحریک منہاج القرآن کے خدمتِ انسانی کے کاموں کو اپنی گفتگو کو موضوع بنایا اور کہا کہ ڈاکٹر محمد طاہر القادری نے کی قائم کردہ تحریک دنیا کے ہر ملک میں موجود ہے، ڈاکٹر صاحب نے اپنے مشن کی تکمیل کے لیے تعلیم کا راستہ اپنایا ہے، انہوں نے کہا کہ وہ تحریک منہاج القرآن کے تمام فاضلین ایک سے بڑھ کر ایک نظر آئے ہیں اور وہ تحریک کی تعلیمی خدمات سے بے حد متاثر ہیں، انہوں نے منہاج القرآن بارسلونا اور اس کے عہدیداران کو خراج تحسین پیش کرتے ہوئے کہا کہ اگر کارکنان اتنا کام کرتے ہیں تو قائد کے کام کا احاطہ کرنا ہمارے لئے ممکن نہیں، انہوں نے کہا کہ ڈاکٹر صاحب کی خوبیوں میں سے یہ بھی ہے کہ وہ اپنے خطابات میں زندگی کے ہر شعبہ سے تعلق رکھنے والے افراد کے علمی لیول کے مطابق گفتگو کرتے ہیں۔ بارسلونا کے معروف شاعر بہادر حسین صابر نے حضور شیخ الاسلام کی شان میں اپنا لکھا ہوا قطعہ پیش کیا جس کو شرکاءنے بہت پسند کیا ۔

|
| |

منہاج ویمن لیگ سپین کی ناظمہ نشرو اشاعت محترمہ صغریٰ عنصر نے اپنی گفتگو میں بتایا کہ جو شخص بھی تحریک منہاج القرآن کا رفیق بن جاتا ہے وہ براہ راست شہنشاہ اولیا شیخ عبد القادر جیلانی کا مرید بن جاتاہی، انہوں نے بتایا کہ شیخ الاسلام ڈاکٹر محمد طاہر القادری تحریک منہاج القرآن کے رفقاءسے بہت پیار و محبت کرتے ہیں اس کی وضاحت کرتے ہوئے انہوں نے بتایا کہ تنویر قریشی شہید کو دفنانے سے قبل قبلہ حضور خود ان کی قبر میں اترے اور ان کے لیے دعا کی، انہوں نے کہا ہمیں چاہیے کہ ہم بھی ایسے تحریکی بن جائیں جیسے تنویر قریشی تھے، مصطفوی انقلاب کی منزل کے حصول کے لیے یہ لازمی ہے کہ ہم تمام اپنے قائد کا دست و بازو بن جائیں، انہوں نے خواتین سے بھی تحریک منہاج القرآن کے حوالے سے خصوصی تربیتی گفتگو کی۔انہوں نے کہا کہ گزشتہ کئی صدیوں سے امت قیادت کی تلاش میں تھی لیکن اب قیادت امت کی تلاش میں ہے ۔

ناظم منہاج مصالحتی کونسل سپین محمد اقبال چوہدری نے تقریب میں موجود تمام پاکستان اور ہسپانوی مہمانوں کا شکریہ ادا کیا اورمختلف حوالوں سے شیخ الاسلام کی امت مسلمہ کے لیے کی جانے والی خدمات کے بارے بیان کیا، انہوںنے بتایا کہ امت مسلمہ کا ہمیشہ یہ المیہ رہا ہے کہ انہوں نے کسی اپنے لیڈر کو بھی اس کی زندگی میں نہیں پہچانا اور اس کے اس دنیا سے رخصت ہو جانے کے بعد ہی پہچانا ہے ۔انہوں نے کہا کہ شیخ الاسلام ڈاکٹر محمد طاہر القادری امت مسلمہ کے لیے جتنا کام کر رہے ہیں اتنا آج تک کسی اور نے نہیں کیا ۔انہوں نے کہا جو لوگ مخالفت میں ہوتے ہیں وہ عموماً کسی بات کی تحقیق نہیں کرتے، انہوں نے سب کو تلقین کرتے ہوئے کہا کہ کسی بھی بات پر یقین کرنے سے قبل اس کی تحقیق لازمی کریں، انہوں نے حدیث نبوی کا حوالہ دیتے ہوئے بتایا کہ حضور صلی اللہ علیہ وآلہ وسلم ایک مرتبہ اونٹنی پر سوار تھے تو کسی سوال کرنے والے نے پوچھاکہ اے محمد (صلی اللہ علیہ وآلہ وسلم) بتائیے کہ اس اونٹنی کی ٹانگیں کتنی ہیں، تو آقاءدوجہاں صلی اللہ علیہ وآلہ وسلم اس اونٹنی سے نیچے اترے اور ٹانگیں گن کر بتایا کہ چار ہیں ۔ یہ ہمارے لیے سبق تک کہ ہر بات کی تحقیق کریں ۔ انہوں نے بتایا کہ پہلے وہ بھی تحریک کے مخالفین میں سے تھے لیکن شیخ الاسلام کے ایک خطاب نے ان کو تبدیل کر دیا ۔

|

نماز مغرب کی ادائیگی کے بعد تقریب کے آخری مقرر امیر تحریک منہاج القرآن بارسلونا علامہ عبد الرشید شریفی کو دعوت خطاب دی گئی انہوں نے تمام حاضرین کو اس پروگرام میں شرکت پر شکریہ ادا کیا، علامہ صاحب نے شیخ الاسلام ڈاکٹر محمد طاہر القادری کی خدمات کا احاطہ کرتے ہوئے بتایا کہ شیخ الاسلام کی اب تک 1000 سے زائد تصانیف لکھی جا چکی ہیں جن میں 300 سے زائد منظر عام پر آ چکی ہیں جبکہ دیگر طباعت و اشاعت کے مراحل میں، عرفان القرآن، منہاج السوی اور عرفان السنہ سمیت دیگر اہم کتب امت مسلمہ کے لیے ایک بہت بڑے تحفے کی حیثیت رکھتی ہیں، شیخ الاسلام نے اپنے خطابات اور کتب کی ذریعے دنیا کے ہر موضوع پر بیان کیا ہی۔ انہوں نے یہ بھی بتایا کہ شیخ الاسلام ڈاکٹر محمد طاہر القادری نے اپنی کتب و خطابات سے حاصل ہونے والی جملہ آمدنی ہمیشہ کے لئے تحریک منہاج القرآن لیے وقف کر رکھی ہے ۔

|

پروگرام میں کیک کاٹنے سے قبل ایک مرتبہ پھر منہاج القرآن کے طلبہ نے حافظ محمد عاطف احتشام کے ساتھ مل کر حضور شیخ الاسلام کی شان میں مشہور زمانہ ترانہ (ظلمت آفاق میں چمکے گا طاہر قادری) پیش کیا جس پر شرکاءمحفل نے نعروں کے ساتھ طلباءکوزبر دست داد دی ۔

|

امیر منہاج القرآن بارسلونا علامہ عبد الرشید شریفی، صدر حاجی مظہر حسین، سیکریٹری جنرل نوید احمد اندلسی، علامہ مظہر حسین نقوی، صدر یوتھ لیگ عتیق الرحمان اور سیکریٹری یوتھ لیگ احسن جاوید نے پہلا کیک جبکہ منہاج ویمن لیگ سپین کی عہدیداران نے دوسرا کیک کاٹا تو منہاج اسلامک سنٹر(دین حق کا ولی طاہر القادری )کے نعروں سے گونج اٹھا ۔

|

کیک کاٹنے کے بعد علامہ عبد الرشید شریفی نے حضور شیخ الاسلام ڈاکٹر محمد طاہر القادری کی صحت و درازی عمر کے لیے رقت آمیز دعا کروائی جس پر مجددرواں صدی کی58 ویں یوم پیدائش کے موقع پر سجائی جانے والی یہ عظیم الشاں تقریب اختتام پذیر ہوئی ۔ اس کے بعد منہاج یوتھ لیگ کے نوجوانوں نے شرکاءمیں کیک اور مٹھائی تقسیم کی ۔

|