گزشتہ دنوں منہاج القرآن بارسلونا کے نئے مرکز میں منہاج القرآن انٹرنیشنل سپین کی مجلسِ شوریٰ کا اجلاس انعقاد پذیر ہوا، جس میں اہم تحریکی امور پر گفتگو کی گئی ۔

اجلاس کی صدارت صدرِ مجلسِ شوریٰ میاں برکات احمد نے کی ، انہوں نے اجلاس کا آغاز کرتے ہوئے حضور پر درود و سلام بھیجنے کی فضیلت بیان کی اور شرکاءاجلاس میں ایک قرارداد پیش کی جس کے مطابق منہاج القرآن کی مجلسِ شوریٰ کا ہر ممبر روزانہ 100مرتبہ سرکارِ دوعالم کی ذاتِ با برکات پر درود و سلام کا نذرانہ بھیجا کرے گا ، صدرِ مجلس کی تجویز کو سب اراکینِ شوریٰ نے متفقہ طور پر منظور کیا اور اجلاس میں ہی اس چیز کا آغاز کیا سب نے مل کر 100/100 مرتبہ درود شریف پڑھا ۔

اجلاس کے ایجنڈا پر گفتگو کے آغاز کے لیے میاں برکات احمد نے منہاج ویلفیئر فاؤنڈیشن سپین کے صدر محمد نواز کیانی کو دعوت دی انہوں نے منہاج القرآن بارسلونا سپین کے نئے مرکز کی تعمیرات کی تفصیل فراہم کیں اور مرکز کی تعمیر وغیرہ پر اب تک جو خرچہ ہوا ہے اس سے بھی سب ساتھیوں کو آگاہ کیا ۔

میلاد النبی صلی اللہ علیہ وسلم کی محفل کے انعقاد کے بارے میں بات چیت کرتے ہوئے شرکاءنے اس بات پر اتفاق کیا کہ اس دفعہ میلاد النبی صلی اللہ علیہ وسلم پر علامہ حافظ نذیر احمد قادری کو بلایا جائے اور اس کے علاوہ اراکینِ اجلاس نے بادالونا میں بھی میلاد النبی صلی اللہ علیہ وسلم کے انعقاد کی منظوری دی ۔


ناظمِ نشر و اشاعت نوید اصغر نے بتایا کہ گزشتہ سالوں کی طرح اس مرتبہ بھی میلاد النبیصلی اللہ علیہ وسلم کی محفل میں عمرہ ٹکٹ کی قرعہ اندازی کی جائے گی ۔ نمازِ عشاءکے بعد نائب ناظمِ دعوت و تربیت علامہ خان محمد چشتی نے خصوصی دعا کی اور اجلاس اختتام پذیر ہوا ۔

ائدِ ملتِ اسلامیہ حضور شیخ الاسلام ڈاکٹر محمد طاہر القادری کی 56 سالگرہ کے موقع پر دنیا بھر میں تحریک ِمنہاج القرآن کے کارکنان و وابستگان نے خوشی کا اظہار کیا اور ان کی صحت کے لیے دعا کی ، اسی سلسلہ میں بارسلونا سپین میں بھی ایک پُروقار تقریب انعقاد پذیر ہوئی ،منہاج القرآن انٹرنیشنل سپین کے نائب صدر مظہر حسین ، سیکریٹری جنرل محمد اقبال، صدر مجلسِ شوریٰ میاں برکات احمد کے علاوہ منہاج یوتھ لیگ کے نوجوانوں، منہاج چلڈرن لیگ کے نونہال ،جامع منہاج کے طلبہ اور منہاج القرآن انٹرنیشنل کے وابستگان نے کثیر تعداد میں شرکت کی ۔

منہاج القرآن انٹرنیشنل سپین (بارسلونا)کے نئے مرکز میں انعقاد پذیر اس پروگرام کی صدارت علامہ خان محمد چشتی نے کی جبکہ مہمانِ خصوصی ہم وطن اخبار کے چیف ایڈیٹر جاوید مغل صاحب تھے ۔ تقریب کا آغاز تلاوتِ کلام پاک سے قاری عبد الرحمان نے کیا، منہاج یوتھ لیگ کے محمد رمیض اور عاطف احتشام نے بارگاہِ رسالتمآب صلی اللہ علیہ وسلم میں ہدیہ عقیدت پیش کرنے کی سعادت حاصل کی اور منہاج القرآن سپین کے ناظمِ لائبریری محمد قیصر چیمہ نے منہاج یوتھ لیگ سپین کے نوجوانوں کے ساتھ مل کر حضور شیخ الاسلام ڈاکٹر محمد طاہر القادری کی شان میں مشہور ترانہ (ظلمتِ آفاق میں چمکے گا طاہر قادری) پیش کیا ۔




نقیبِ محفل ناظمِ نشر و اشاعت نوید اصغر نے استقبالیہ کلمات کے لیے منہاج القرآن سپین کے سیکریٹری جنرل محمد اقبال کو دعوت دی ، انہوں نے اپنی تقریر میں مہمانانِ گرامی اور سب حاضرین کو خوش آمدید کہا اور حضور شیخ الاسلام کے بارے میں اپنے خیالات کا اظہار کرتے ہوئے کہا کہ بلا شبہ وہ پاکستان کی عوام کے نہیں بلکہ پورے عالمِ اسلام کے قائد ہیں، جب وہ عرب ممالک کے دورہ پر جاتے ہیں تو وہاں کے محدث اور بڑے بڑے شیوخ ان کے ہاتھوں کو بوسہ دینا اپنے لیے باعثِ سعادت سمجھتے ہیں ، انہوں نے کہا کہ ہم پاکستانیوں میں یہ خرابی ہے کہ ہم کسی بھی عظیم شخص کو اس کے مرنے کے بعد پہچانتے ہیں اس کی زندہ مثال قائدِ اعظم محمد علی جناح ہیں ، انہوں نے کہا کہ ہمیں سنی سنائی باتوں پر یقین نہیں کرنا چاہیے بلکہ حقیقت کو تلاش کرنے کی کوشش کرنی چاہیے ۔



اس کے بعد منہاج القرآن انٹرنیشنل سپین کی مجلسِ شوریٰ کے صدر میاں برکات احمد نے حضور کی احادیثِ مبارکہ " میری امت میں ہر صدی میں ایک مجدد آئے گا جو دین کی تجدید کرے گا "بیان کرتے ہوئے کہا کہ حضور شیخ الاسلام موجودہ اسلامی صدی کے مجدد ہیں، ہمیں چاہیے کہ ان کا دست و بازو بن کر مصطفوی مشن کی منزل کو حاصل کرنے کے لیے ان کا ساتھ دیں ۔

منہاج القرآن سپین کے سابقہ صدر اور جامع منہاج کے پہلے امام علامہ خان محمد چشتی نے اپنے بیان میں کہا ہمارے لیے یہ خوش قسمتی کی بات ہے کہ ہمیں منہاج القرآن کا مشن نصیب ہوا ہے ، انہوں نے کہا کہ جب حضور شیخ الاسلام عرب ممالک میں تشریف لے جاتے ہیں اور وہاں کے شیوخ جس طرح قائدِ محترم کا ادب و احترام کرتے ہیں تو اس قائدِ محترم کے ایک عظیم ہستی ہونے میں کوئی شک باقی نہیں رہ جاتا، انہوں نے کہا دنیا بھر میں جس طرح منہاج القرآن کی تنظیمات کام کر رہی ہیں یہ صرف اسی قائد کے فیوض و برکات کی وجہ سے ہے ۔






پروگرام کے آخری مقرر محمد قیصر چیمہ نے اپنے خیالات کا اظہار کرتے ہوئے کہا کہ قائدِ محترم وہ شخصیت ہیں جن کی پیدائش اور نام (محمد طاہر)کی بشارت خود رسول اللہ نے ڈاکٹر فرید الدین قادری کو دی تھی، انہوں نے کہا کہ قائدِ محترم کی زندگی ایک شمع کی ماند ہے جو خود تو جلتی ہے لیکن دوسروں کو روشنی دیتی ہے، ہمیں چاہیے کہ اس روشنی سے فائدہ اٹھائیں ،انہوں نے کہا کہ روزِ قیامت اللہ تعالیٰ کی طرف سے ہم سے یہ سوال ہو سکتا ہے میں نے تم کو طاہر القادری کا زمانہ دیا تھا تم نے ان کا کتنا ساتھ دیا؟۔





پروگرام کے مہمانِ خصوصی ہم وطن ادارہ ہم وطن کے ڈائریکٹر کو دعوت خطاب دی گئی، انہوں نے کہا کہ ڈاکٹر طاہر القادری شیخ الاسلام ہیں اور امتِ مسلمہ کا ایک عظیم سرمایہ ہیں ۔

تقاریر کے بعد ادارہ ہم وطن نے چیف اڈیٹر جاوید مغل، سیرین پروفیسر احمد،علامہ خان محمد چشتی اور قاری عبد الرزاق نقشبندی ، منہاج یوتھ لیگ اور منہاج چلڈرن لیگ نے قائدِ ملتِ اسلامیہ کی 56ویں سالگرہ کا کیک کاٹا ۔

نمازِ عشاءکے بعد 3000 مرتبہ درود شریف پڑھ کر حضور شیخ الاسلام کی صحت کے لیے خصوصی دعا کی گئی اور اس تقریب کا اختتام ہوا ۔

بارسلونا سنٹر میں اللہ تعالیٰ کے فضل و کرم سے منہاج القرآن کا ایک مرکز 11 سال سے چل رہا ہے جبکہ نئے مرکز کی تعمیر مکمل ہو چکی ہے جس کا جلد ہی افتتاح کیا جائے گا اس طرح بارسلونا کے دِل (Raval) میں منہاج القرآن انٹرنیشنل کے 2 مراکز ہو جائیں گے جو کہ ہم سب کی دینی، مذہبی، تعلیمی، سماجی اور فلاحی ضروریات کو پورا کرنے کے لیے بے حد ضروری ہیں ۔

بارسلونا میں نئے مرکز کے افتتاح کے بعد ہمارا اگلاٹارگٹ بادالونا، سانتا کولوما اور سن آدریان میں ایک مرکز کی تعمیر ہے ، ان خیالات کا اظہارگزشتہ روز منہاج القرآن انٹرنیشنل سپین کے سیکریٹری جنرل محمد اقبال نے منہاج القرآن انٹرنیشنل سپین کی نظامتِ نشر و اشاعت سے اپنی گفتگو کے دوران کیا ۔

انہوں نے بتایا کہ منہاج القرآن انٹرنیشنل عرصہ 25 سال سے دنیا بھر میں دینِ حق کی ترویج اورتجدید کے لیے سرگرمِ عمل ہے ،آغاز میں ہر جگہ پر مخالفتیں اورغلط معلومات پھیلائی جاتی ہے لیکن حضور (صلی اللہ علیہ وآلہ وسلم) کے نعلین پاک کے تصدق اور اللہ تعالیٰ کے فضل و کرم سے یہ مسئلے فوراً ہی حل ہو جاتے ہیں ۔

انہوں نے کہا کہ اللہ تعالیٰ کا دین کسی بھی انسان کا محتاج نہیں ہوتابلکہ ہماری خوش قسمتی ہے کہ اس نے ہمیں اپنے دین کی خدمت کی توفیق دی ۔ انہوں نے کہا کہ کچھ دنوں میں منہاج القرآن انٹرنیشنل سپین(بادالونا) کی بنیاد رکھ دی جائے گی ۔

بادالونا ، سانتا کولوما اور سن آدریان میں رہائش پذیر، منہاج القرآن انٹرنیشنل کے رفقاء، اراکین، وابستگان اور دین کے کام کے لیے دردِ دل رکھنے والے حضرات سے اپیل ہے کہ وہ اس بارے اپنی بہتر تجاویز و آراءکے لیے منہاج القرآن بارسلونا مرکز سے رابطہ کریں ، اگر رابطہ بذریعہ ٹیلیفون کرنا ہو تو اس نمبر پر کال کریں 933177123

ہفتہ 27جنوری کو صبح 10:00 بجےعلامہ جنید عالم قادری( منہاجین) بارسلونا ائیرپورٹ پر پہنےتو منہاج القرآن انٹرنیشنل سپین(بارسلونا) اورمنہاج یوتھ لیگ سپین نےان کا والہانہ استقبال کیا ۔
وہ بارسلونا میں اپنےقیام کےدوران یوم عاشور کےسلسلےمیں بارسلونا اور اس کےگردونواح میں ہونےوالی ہونےوالی مختلف کانفرنسز ، محافل اور تربیتی نشستوں سےخطاب فرمائیں گے، جن میں ہفتہ کو بادالونا ور اتوار کو بارسلونا میں ہونےوالی شہادت کانفرنس شامل ہیں ۔
علامہ جنید عالم قادری (منہاجین) ، جامعہ اسلامیہ منہاج القرآن (لاہور) سے1992 میں فارغ التحصیل ہوئےاور اس وقت تحریکِ منہاج القرآن برطانیہ کےتحت برمنگھم میں مصطفوی مشن کی خدمت میں مصروف عمل ہیں۔

فُل سائز تصاویر

اتوار 24 دسمبر کو منہاج القرآن بارسلونا کےنئےمرکز پر منہاج القرآن انٹرنیشنل سپین کی مجلسِ عاملہ، مجلسِ شوریٰ ، منہاج کرکٹ کلب ، منہاج یوتھ لیگ اور منہاج چلڈرن لیگ کا ایک مشترکہ اجلاس انعقاد پذیر ہوا ، جس میں تحریکِ منہاج القرآن بارسلونا کےعہدیداران اور کارکنان نےکثیر تعداد میں شرکت کی ، اجلاس کا مقصد عید الاضحی کےموقع پر ہونےوالےانتظامات کو حتمی شکل دینا تھا ۔

یہ اجلاس منہاج القرآن انٹرنیشنل سپین کےسینئر نائب صدر محترم پرویز اختر صاحب کی صدارت میں ہوا ، تلاوتِ قرآن کریم سےباقاعدہ آغاز منہاج یوتھ لیگ کےحافظ محمد اسد صاحب نےکیا اور محترم محمد قیصر صاحب نےنعتِ رسول مقبول پیش کی ۔




منہاج القرآن انٹرنیشنل سپین کےسیکریٹری جنرل محترم محمد اقبال صاحب نےمیٹنگ کا آغاز کرتےہوئےسب ساتھیوں کو بتایا کہ یہ ایک مشترکہ میٹنگ ہےجس میں منہاج القرآن انٹرنیشنل سپین (بارسلونا) کی تمام تنظیمات شامل ہیں ، انہوں نےسب ساتھیوں کو خوشخبری دی کہ اس دفعہ بھی عید الاضحی کی نماز RAVAL کےاسپورٹس ہال میں ہی ہوگی اس سلسلےمیں بلدیہ (Ajuntament)سےاجازت لےلی گئی ہےاس کےعلاوہ Guardia Urbana اور Mossos d'Esquadra کےافسران سےبھی بات ہو چکی ہے، پولیس بھی اس موقع پر موجود ہو گی ۔

اس اجلاس میں عید الاضحی کےدن ہونےوالےانتظامات کو احسن طریقےسےسرانجام دینےکےلیےمختلف کمیٹیاں تشکیل دی گئیں ۔
منہاج یوتھ لیگ کےصدر محترم مسیب حسن شفیق صاحب نےکہا کہ منہاج یوتھ لیگ کےنوجوان اس موقع پر سیکورٹی کی ذمہ داریاں نہایت احسن طریقےسےسنبھالیں گے۔

ہال صبح 8 بجےکھل جائےگا ، داخلہ Rambla Raval کی طرف سےہو گا جبکہ خارجہ Sant Pau کےپارک کی طرف سےہو گا ۔
محترم محمد اقبال صاحب نےبتایا کہ حکومت ِ کتالونیا اور بلدیہ بارسلونا کےنمائندگان بھی اس موقع پر مسلمانوں کو ان کےاس عظیم تہوار پر مبارکباد دینےکےلیےتشریف لائیں گے۔

عید الاضحی کی پہلی نماز 9 بجےعلامہ عبد الرشید شریفی،دوسری نماز9:40 پر حافظ عبد الرزاق نقشبندی اور تیسری نماز10:20 پرحافظ عبد الوحیدپڑھائیں گے، اگر ضرورت پیش آئی تو چوتھی نماز بھی کرائی جائےگی ۔

منہاج القرآن بارسلونا کےقائدین نےاس موقع پر نماز کےلیےآنےوالوں سےاپیل کی ہےکہ وہ آتےاور جاتےوقت نظم و ضبط کا مظاہرہ کریں ، گلی کےدرمیان نہ کھڑےہوں اور انتظامیہ سےتعاون کریں تاکہ ہمیں مستقبل میں کسی مسئلہ کا سامنا نہ کرنا پڑےاور اس طرح ایک اچھےملک کےشہری ہونےکا ثبوت دیں۔

آخر میں منہاج یوتھ لیگ سپین کےنوجوانوں کو سینئر ممبران نےمبارکباددیتےہوئےکہا کہ یہی ہمارا مستقبل ہیں اور اس طرح کےماحول میں رہتےہوئےنوجوانوں کی اس طرح تربیت کرنا منہاج القرآن کا یورپ بھر میں طرہ امتیازہے۔