بارسلونا، سپین کے نواحی شہر Hospitalet de Llobregatمیں سرکاری اعداد و شمار کے مطابق 3ہزار سے زائد پاکستانی آباد ہیں ، جن میں فیملیاں بھی شامل ہیں، جبکہ تاحال وہاں پر کوئی بھی ایسا مرکز قائم نہیں جس میں ان کے لیے دینی فرائض کی ادائیگی ، بچوں کی تربیت اور سماجی مسائل کا حل مہیا کیا جا رہا ہو، اس سلسلے میں منہاج اسلامک سنٹر بارسلونا میں 5جون بروز اتوار صدر MQIسپین مرزا محمد اکرم بیگ کی زیر صدارت ایک اہم اجلاس منعقد ہوا جس میں محمد اقبال چوہدری، علامہ خان محمد چشتی، چوہدری پرویز اختر، محمد نواز قادری، نوید احمد اندلسی، حاجی زاہد اختر کے علاوہ اوسپتالیت کی سماجی شخصیات نے بھی شرکت کی جن میں شبیر حسین گوہر، نیر اقبال، حاجی محمد ازرم، حاجی محمد منور شامل ہیں ۔

اجلاس میں اس بات پر اتفاق کیا گیا کہ اوسپتالیت میں پاکستانی اور مسلمان کیمونٹی کی دینی ضروریات کے ساتھ ساتھ ان کے سماجی و معاشرتی مسائل کے حل کے لیے ایک مرکز کی فوری ضرورت ہے ، نوید احمد اندلسی نے منہاج القرآن انٹرنیشنل کے پاکستان اور دنیا بھرمیں جاری منصوبہ جات و نیٹ ورک کا تفصیلی تعارف کروایا جب کہ محمد اقبال چوہدری نے منہاج القرآن سپین کے قیام سے اب تک کی مختصر تاریخ بتائی اور اوسپتالیت میں اسلامک سنٹر (مسجد) کے قیام کے لیے قانونی امور پر بات چیت کی، اوسپتالیت کے احباب نے منہاج القرآن کی تنظیم اور مرکز کے قیام کے لیے مکمل تعاون کی یقین دھانی کروائی، طویل مشاورت اور گفت و شنید کے بعد حاجی زاہد اختر زاہدی کو اوسپتالیت دے یوبرے گات میں منہاج القرآن انٹرنیشنل سپین کا کوارڈینیٹر جبکہ شبیر حسین گوہر اور نیر اقبال کو ان کا معاون مقرر کیا گیا ۔

اس موقع پر شرکاء اجلاس کی طرف سے نو منتخب کوارڈینیٹر اور ان کے معاونین کو مبارک باد پیش کی گئی اور اوسپتالیت میں تنظیم و مرکز کے قیام کے لیے حکمت عملی طے کی گئی ، اجلاس کے اختتام پر علامہ خان محمد چشتی نے دعا خیر کروائی ۔

نوید احمد اندلسی، سیکریٹری جنرل
منہاج القرآن انٹرنیشنل ، سپین

,Pulsa para ver la imagen a tamaño completoPulsa para ver la imagen a tamaño completo

Pulsa para ver la imagen a tamaño completoPulsa para ver la imagen a tamaño completo

Pulsa para ver la imagen a tamaño completoPulsa para ver la imagen a tamaño completo

IMG_7435.jpg