25 مئی 2013ء بروز ہفتہ سپین میں ہونے والی تاریخی محفل نعت کے لیے پاکستان کے عالمی شہرت کے حامل نعت خوانان صاحبزادہ تسلیم احمد صابری، شہباز قمر فریدی، قاری شاہد محمود قادری اور الحاج محمد یوسف میمن جب بارسلونا انٹرنیشنل ائر پورٹ پر پہنچے تو منہاج القرآن انٹرنیشنل سپین کے قائدین نے ان کا پرتپاک استقبال کیا، منہاج القرآن سپین کے قائدین کی طرف سے مہمان گرامی کو خوش آمدید کہا گیا اور انھیں پھول پیش کیے گئے۔
اس موقع پر منہاج القرآن انٹرنیشنل سپین کے سرپرست محمد نواز کیانی، صدر مرزا محمد اکرم بیگ، نائب صدر ظل حسن قادری، صدر اوسپتالیت حاجی زاہد اختر زاہدی، صدر منہاج مصالحتی کونسل محمد اقبال چوہدری کے علاوہ اوسپتالیت کی کارو باری شخصیت یاسر علی، ہم وطن اخبار کے ارشد نذیر ساحل، کشمیر کی آواز اخبار کے ظفر الیاس قریشی، مرزا ندیم بیگ، شفت علی رضاء اور دیگر صحافی حضرات بھی موجود تھے۔
