بارسلونا سے مرزا محمد اکرم بیگ جبکہ بادالونا سے آفتاب حسین ابرار کی قیادت میں منہاج القرآن کے سینکڑوں وابستگان شرکت کریں گے
منہاج القرآن اوسپتالیت (سپین) کے زیر اہتمام آج (25مئی 2013ء کو) سپین کی تاریخ میں اپنی نوعیت کی پہلی عظیم الشان محفل نعت منعقد ہو رہی ہے جس میں بارسلونا، بادالونا، اوسپتالیت، طرطوسہ اور سپین کے دیگر شہروں سے ہزاروں عاشقانِ رسول ﷺ شرکت کریں گے، منہاج القرآن انٹرنیشنل کے کارکنان و وابستگان کا سب سے بڑا قافلہ مرزا محمد اکرم بیگ اور محمد نواز کیانی کی قیادت میں بارسلونا سے جب کہ دوسرا بڑا قافلہ آفتاب حسین ابرار کی قیادت میں بادالونا سے شرکت کرے گا۔ منہاج یوتھ لیگ سپین کے صدر بلال یوسف قادری کی قیادت میں نوجوانوں کی کثیر تعداد بھی محفل میں شرکت کرے گی۔