17جون بروز جمعۃ المبارک منہاج ویلفیئر فاؤنڈیشن یورپ کے ڈائریکٹر علامہ محمد اقبال اعظم (منہاجین الازہری)نے اپنے دورہ سپین کے موقع پر منہاج القرآن بادالونا کے زیر اہتمام منعقدہ نماز جمعہ کے اجتماع سے خطاب کیا۔
علامہ محمد اقبال اعظم منہاجین نے اجتماع سے خطاب کرتے ہوئے واقعہ معراج النبی ﷺ بیان کیا اور منہاج القرآن انٹرنیشنل کے فلاحی منصوبہ آغوش کی تفصیلات بتائیں، انہوں نے اہل بادالونا کو مبارک دی اور بتایا کہ جس عظیم فلاحی مقصد کے لیے انہوں نے گزشتہ سالوں میں مالی تعاون کیا تھا وہ الحمد للہ اب مکمل ہو چکا ہے اور تزین و آرائش کے مراحل میں ہے ، انہوں نے آغوش میں زیر کفالت بچوں کی کفالت کا تفصیلی طریقہ کار بتایا ، اس موقع پر انہوں نے احادیث نبوی ﷺ کی روشنی میں یتیم کی کفالت کرنے والے کے بارے میں اللہ تعالیٰ کی طرف سے ملنے والے اجر و ثواب پر تفصیلی روشنی ڈالی ۔
نماز جمعہ کے بعد منہاج القرآن بادالونا نے علامہ محمد اقبال اعظم منہاجین اور حاجی محمد یعقوب (نائب صدر منہاج القرآن فرانس)کے اعزاز میں مقامی ریسٹورنٹ پر ظہرانہ دیا جس میں علامہ عبد الرشید شریفی، مرزا نواز جرال، حافظ محمد معروف، خرم شبیر قادری اور نوید احمد اندلسی نے شرکت کی ۔
