فیس بک اور دیگر آن لائن ویب سائٹس پر پیغمبر اسلام کے بارے میں گستاخانہ خاکوں کی اشاعت کے بعد جہاں مختلف دینی و سماجی تنظیمات نے اپنے طریقہ کار سے احتجاج کیا وہاں منہاج القرآن انٹرنیشنل سپین بارسلونا نے بھی اس معاملے کو نہایت سنجیدگی سے لیتے ہوئے اس پر ایک ایسی کانفرنس کا اہتمام کیا ہے جس میں اظہار رائے کی حدود کے بارے میں مختلف یورپین ممالک میں دیے جانے والے عدالتی فیصلہ جات اور دیگر مذہب کے مطابق انبیاء اور مقدس ہستیوں کی توہین کے بارے میں تعین کردہ سزاؤں پر گفت و شنید کی جائے گی ۔
اس سیمنار میں حقوق کے بارے میں بارسلونا آؤ تونوما یونیورسٹی کے پروفیسر Alex Seglersاور بارسلونا یونیورسٹی کی تعلیمات اسلامیہ و عربیہ کی ماہر پروفیسر Dolors Bramonکے علاوہ بارسلونا میں پاکستان کے قونصلر جنرل ایاز حسین سید ،مسلمان ممبر پارلیمنٹ محمد شعیب کے علاوہ دیگر مقامی تنظیمات کے نمائندگان بھی شرکت کریں گے ۔
کانفرنس منہاج اسلامک سنٹر بارسلونا میں منعقد کی جائے گی جس کا آغاز شام 5بجے ہو گا ۔منہاج القرآن بارسلونا کی طرف سے ہسپانوی و کاتالان زبان پر عبور رکھنے والے تمام پاکستانی بھائیوں سے درخواست کی جاتی ہے کہ وہ نہ صرف خود اس کانفرنس میں شرکت کریں بلکہ اپنے ہسپانوی دوستوں کو بھی اپنے ساتھ شرکت کی دعوت دیں ۔